میزبان ٹیم ئِ سیریز اٹی 1-0نا برتری دوئی
ہیملٹن۔ 21نومبر (اے پی پی) پاکستان و نیوزی لینڈ نا کرکٹ ٹیم نا نیام اٹ ارٹ میکو و آخریکو ٹیسٹ میچ 25آن 29نومبر اسکان ہیملٹن اٹی گوازی کننگک۔ میزبان ٹیم نیوزی لینڈ ئِ اِرا میچ آتا سیریز اٹی 1-0نا برتری دوئی ئِ۔ کرائسٹ چرچ اٹی گوازی کروک آ اولیکو ٹیسٹ اٹی بلیک کیپس 8وکٹ آتے اٹ کٹا۔ مصباح الحق نا مالم کذیت کریسس ہرانا سوب مصباح الحق دا دے تیٹی پاکستان اٹی ئِ ولے اونا ساڑی مفننگ اٹی پاکستان کرکٹ ٹیم نا سروکی ئِ اظہر علی کیک وخت اس کہ میزبان ٹیم نا سروکی ئِ کین ولیمسن کیک۔ پاکستان ٹیسٹ سکواڈ اٹی اظہر علی (کیپٹن) ایلو گوازی گر تیٹی سمیع اسلم، شرجیل خان، یونس خان، اسد شفیق، بابر اعظم، سرفراز احمد، محمد رضوان ، یاسر شاہ، محمد نواز، محمد عامر، وہاب ریاض، راحت علی، سہیل خان و عمران خان سینئر اوار ئُ۔
