اسلام آباد۔ 16نومبر (اے پی پی) پارلیمنٹ نا ہڑتوم آ ایوان تا اسیجائی دیوان اینو پنچ شنبے آ پارلیمنٹ ہاﺅس اٹی مریک ہراڑآن ترک صدر رجب طیب اردوان تران کیک۔ قومی اسمبلی سیکرٹریٹ دا چرجوئی ٹی غٹ بست و بند آتے گڈیکو دروشم تننگ ئِ۔ پارلیمان نا اسیجائی دیوان نا وخت آ سخت انگا رکھی بست و بند کننگک۔ دیوان اٹی ساڑی مننگ کن سلہہ بند فوج انا سروک آک، آئینی ادارہ غاتا سروک و سفارت کار آتون اوار اہم شخصیت آتے دعوت نامہ گدریفنگانے۔ دیوان یکونیم بجہ غامریک ہرانا کماشی ئِ اسپیکر قومی اسمبلی سردار ایاز صادق کیک۔
