اسلام آباد۔ 28اکتوبر (اے پی پی) وزارت ڈٹ بندی، شون و اصلاحات اینخو مالی سال 2016-17ءنا سرکاری بشخ انا شونداری پروگرام تیٹی کابینہ ڈویژن و ایوی ایشن ڈویژن نا شونداری ڈٹ آتے کن جمی وڑاٹ 10کروڑ 28لکھ روپئی آن زیات نا فنڈز جاری کرینے۔ حکومت اینخو مالی سال اٹی داہڑتوم آ ڈویژن تا شونداری کاریم تے کن پنچ ارب 6کروڑ 45لکھ روپئی آن زیات نا فنڈز جتا کرینے۔ پلاننگ کمیشن نا برجاءکروک حساب وکتاب نارداٹ حکومت 6ایوی ایشن سکوارڈرن کن 90لکھ روپئی، کابینہ ڈویژن نا ای گورننس کن 70لکھ روپئی، 6ایوی ایشن نا اپ گریڈیشن کن پنچ کروڑ روپئی، نیشنل آرکائیوز آف پاکستان کن 68لکھ روپئی، پاکستان میٹرولوجیکل ڈیپارٹمنٹ کن 81لکھ روپئی ، کراچی ٹی موسمیاتی ریڈار کن 13لکھ روپئی تون اوار کیہی شونداری ڈٹ آتے کن فنڈز جاری کرینے۔
