اسلام آباد۔ 26اپریل (اے پی پی) وزیراعظم محمد نوازشریف پارینے کہ حکومت الس نا خذمت آ یخین تخک، مسلم لیگ (ن) نا باسک قومی اسمبلی الس نا شرحالی کن پبی کوشست آتے کاریم اٹی اتیر ، او داہیتئِ سے شنبے آ پاکستان مسلم لیگ (ن) نا باسک قومی اسمبلی تون وزیراعظم ہاﺅس اٹی جتاجتا اوڑدہی ٹی پارے، ہرافتے ٹی بابر نوازخان (این اے 119)، سید محمد ثقلین بخاری (این اے 182) و ملک سلطان محمود ہنجرا(این اے 176) اوار ئسر۔ وزیراعظم پارے کہ او ملک ئِ مون تروک ویل آتا ایسری آ توجوہ ئِ تخانو ، اومیت ئِ کہ اللہ تعالیٰ نا فضل اٹ ملک اقوام عالم اٹی تینا بڑزکو ہند ئِ ہلیک۔ پاک چین اقتصادی راہداری نابارواٹی وزیراعظم پارے کہ دا ڈٹ پاکستان نا الس نا قسمت ئِ بدلیفک و اوڑآن اقتصادی انقلاب برپامریک۔ اوپارے کہ گڑاس بندغ تینا بے جا تنقید نا ذریعہ حکومت نا شون نا سفر اٹی اڑاند ودی کننگ خوارہ ولے دا عنصرآک بے سہب مریرہ۔ وزیراعظم نا خصوصی کمکار ڈاکٹر آصف کرمانی ہم دا اوڑدہی تے ٹی ساڑی ئسک۔
