حکومت اسلام آباد پولیس ءَ را نوکیں پولیسنگ ءِ لوٹاں گوں ہمگرنچ کنگ ءِ ھاتر ءَ ہر ممکنیں وسیلہ ءِ دیم ءَ آرگ ءَ انت، مزن وزیر شہباز شریف

اسلام آباد۔8ستمبر  (اے پی پی): مزن وزیر محمد شہباز شریف ءَ گوشت کہ شہری آنی جان ءُ مال ءِ رکھینگ حکومت ءِ اولی ترجی اِنت۔ حکومت اسلام آباد پولیس ءَ را نوکیں پولیسنگ ءِ لوٹ آنی گوما یکجا کنگ ءِ واستہ ھرچ وڑیں وسیلگ آنی پجارینگ ءَ اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اے ھیالانی درشانی سئے شمبے ءِ روچ ءَ ادا اسلام آباد پولیس ءَ را الیکٹرک گاڑی آنی ھوالگ ءِ مراگش ءِ موہ ءَ گشتانک دیان ءَ کت۔ اسلام آباد پولیس ءَ را نوکیں، ایمن ءُ چاگرد دوستیں پولیسنگ ءِ دیمروئی ءِ واستہ 50 الیکٹرک گاڑی پجاری کنگ بوتگ۔ وفاقی دارالحکومت ءَ برجم داشتگیں مراگش ءِ تہ ءَ مزن وزیر محمد شہباز شریف ءَ الیکٹرک گاڑی آنی کلید وفاقی تہی کارانی وزیر محسن نقوی ءُ انسپکٹر جنرل اسلام آباد پولیس صادق علی نصیر رضوی ءِ دست ءَ داتگ اَنت۔ مراگش ءَ وفاقی وزیر ءِ اھوالکاری ءُ شنگکاری عطا اللہ ترار، وفاقی وزیر ڈاکٹر طارق فضل چوہدری ءُ وزیر ءِ مملکت طلال چوہدری ءَ گوں سیادی داروکیں کارندہ آں بہر زرتگ۔ مزن وزیر ءَ اسلام آباد پولیس ءَ را نوکیں لیکہ آنی سر ءَ دیمروئی دیگ ءِ واستہ وفاقی وزیر داخلہ محسن نقوی ءِ کارکردگی ءَ را ساڑات۔ مزن وزیر ءَ گوشت کہ اسلام آباد پولیس ملک ءِ ایندگر شہر آنی واستہ رول ماڈل جوڑ بہ بیت۔ وفاقی دارالحکومت ءَ شہری آناں ایمنیں چاگرد ءِ پھجارینگ ءِ واستہ پولیس ءَ را نوکیں ٹیکنالوجی، سامان ءُ اے دگہ المی ئیں وسیلگ آناں ھوار کنگ بوھگ ءَ انت۔ مزن وزیر ءَ گوشت کہ اسلام آباد پولیس ءَ را داتگیں نوکیں الیکٹرک گاڑی آنی مول ءُ مراد پولیسنگ سسٹم ءَ چاگرد دوست ءُ گرین پولیسنگ ءَ را دیمروئی دیگ اِنت۔ نوکیں ٹیکنالوجی ءِ کارمردی ءَ چہ پولیس ءِ کارکردگی ءُ شہری آناں داتگیں ازمت آنی تہ ءَ گیش گہتری کیت۔ اے موہ ءِ سر ءَ اسلام آباد پولیس ءِ انسپکٹر جنرل ءَ وفاقی دارالحکومت ءِ نگرانی ءِ واستہ اسلام آباد پولیس ءِ نیمگ ءَ جوڑ کتگیں نوکیں فورس ”کیپیٹل پٹرول“ ءِ بابت ءَ مزن وزیر ءَ را سرجمیں بریفنگ دات۔ مزن وزیر ءَ را گوشگ بیت کہ نوکیں فورس مزن وزیر ءِ ایمن، سمارٹ ءُ گرین کیپیٹل ءِ وژن ءِ چیر دستی ءَ جوڑ کنگ بوتگ۔ دارالحکومت گشت ءِ فورس ءَ کل ءَ 200 پولیس ءِ کارندہ ھوار بنت۔ دارالحکومت گشت ءِ فورس ءِ ہر گشت ءِ یونٹ ءَ یک مرد ءُ یک جنین پولیس ءِ کارندہ ھوار بیت۔ اے نیرو ءِ تہ ءَ دو موٹر سائیکل ءِ سر ءَ سواریں پولیس ءِ کارندہ ھم ھوار بنت تانکہ جتا جتائیں دمگ آنی تہ ءَ ترندیں پسو ءُ موثر گشت ءِ ضمانت دیگ بہ بیت۔ مزن وزیر ءَ را گوشگ بیت کہ کیپٹل پٹرول فورس ءِ توامیں کارندہ باڈی کیمرہ آں گوں لٹ کنگ بنت ایشی ءَ چہ پولیسنگ ءِ عمل گیش شفاف، نگرانی ءُ احتساب بیت۔ بریفنگ ءَ اے گپ ءِ ھم سرپد کنگ بیت کہ کیپیٹل پٹرول فورس ءِ واستہ 50الیکٹرک گاڑی پجارینگ بوتگ۔ دراہیں گاڑی بجلی ءِ سرا کار کن انت کہ ایشی ءَ چہ ایندھن ءِ ھرچ ءُ درچ ءَ مزنیں کساسے ءَ کمی کیت ءُ چاگرد ءِ سر ءَ ھم جوانیں اثرے کپیت۔ مزن وزیر ءَ را گوشگ بوت کہ نوکیں الیکٹرک گاڑی آناں کارمرد کنگ ءَ چہ 10کروڑ کلدار ءِ کساس ءَ بچت بیت۔ 34 ملین ماہانہ ایندھن ءِ ھرچ ءُ درچ ءِ تہ ءَ ، وھدے کہ یک گاڑی ءِ ھرچ ءُ درچ ایندھن ءِ بچت ءِ تہ ءَ نزیک ءَ دہ ءُ نیم ماہ ءِ تہ ءَ ھوار کنگ بیت ۔ مزن وزیر ءَ اسلام آباد پولیس سب ڈویژن ءِ نیمگ ءَ نوکیں ٹیکنالوجی ءِ کارمردی، سبز پولیسنگ ءِ دیمروئی ءُ شہری آنی رکھینگ ءِ واستہ چست کتگیں گامگیج آناں ساڑات ءُ ہدایت کت کہ نوکیں پولیسنگ ءِ نظام ءَ را گیش موثر جوڑ کنگ ءِ واستہ درستیں المی گامگیج چست کنگ بہ بنت۔