کوئٹہ صوبہ نا دروشم  ءِ، شار انا شونداری و زیبائی مچ آ بلوچستان نا شناخت تون گنڈوک ءِ،حکومت کوئٹہ ءِ اسہ گچین، زیبا و پوسکن ءُ صوبائی دارالحکومت اس جوڑ کننگ کن غٹ دوئی وسیلہ غاتے کاریم اٹ اتیک، وزیر اعلیٰ بلوچستان میر سرفراز بگٹی

کوئٹہ۔ 08 ستمبر (اے پی پی ) وزیر اعلیٰ بلوچستان میر سرفراز بگٹی نا کماشی ٹی کوئٹہ ڈویلپمنٹ پیکج نا بابت اسہ اہم ءُ دیوان اس چیف منسٹر سیکرٹریٹ اٹ اڈ ہلک ہراٹی صوبائی دارالحکومت کوئٹہ نا شونداری،زیبائی و شاری آسراتی تا گچینی کن برجاڈٹ آتا پیش رفت نا جاچ ءِ ہلنگا۔ دیوان اٹ پاننگا کہ کوئٹہ ڈویلپمنٹ پیکج نا رداٹ 12 ڈٹ آتے پورو کننگانے، 7 ڈٹ آتیا کاریمبرجاءِ وخت اس کہ 5 پوسکن ءُ ڈٹ ہم سلاہ کننگانے ۔ وزیر اعلیٰ میر سرفراز بگٹیبرجاڈٹ آتیا کاریم نا رفتار ءِ پین ترند کننگ نا پارت کرسا پارے کہ شونداری ڈٹ آتا وخت آ پورو مننگ ءِ ہروڑ اٹ پک کننگے۔ او پوسکن سلاہ کروک آ ڈٹ آتیا ہم بلاتاخیر کاریمنا بنا ءِ کننگ نا پارت کرے۔ وزیر اعلیٰ پارے کہ کوئٹہ صوبہ نا دروشم ءِ، شار انا شونداری و زیبائی مچ آ بلوچستان نا شناخت تون گنڈوک ءِ۔ حکومت کوئٹہ ءِ اسہ گچین، زیبا و پوسکن ءُ صوبائی دارالحکومت اس جوڑ کننگ کن غٹ دوئی وسیلہ غاتے کاریم اٹ اتیک۔ او پارے کہ کوئٹہ نا مہالونازیبائی و تاریخی شناخت نا بحالی کن جامع حکمت عملی نا رداٹ عملی گام گیج کننگک۔ شار اٹ بنداوی شاری آسراتی تا گچینی ، انفراسٹرکچر نا شونداری و رنگ و روغن نا ڈٹ آتے اولیتی بندا تیا پورو کننگے۔ وزیر اعلیٰ پارت کرے کہ کوئٹہ ڈویلپمنٹ پیکج نا ڈٹ آتیٹیآب ، رفتار و شفافیت ءِ پک کننگے و شونداری کاریم تیٹی بے جا ہرےکننگ آن پاناد کننگے۔ میر سرفراز بگٹی دا عزم انا درشانی ءِ کرے کہ حکومت کوئٹہ ءِ ہندن ءُ زیبا و منظم شار اس جوڑ کننگ کن سنبرینگوک ءِ ہراڑے شاری تے گچینبنداوی آسراتی دو برے و صوبائی دارالحکومت تینا تاریخی و دودوربیدہ ئی شناخت تون اوار اسہ پوسکن ءُ شار اسے نا وڑ اٹ ہم نمان مرے۔ دیوان اٹ چیف سیکرٹری بلوچستان شکیل قادر خان، ایس ایم بی آر کمبر خان دشتی، سیکرٹری خزانہ جہانگیر خان، پروجیکٹ ڈائریکٹر رفیق بلوچ تون اوار تعلقدار کمامدارآک بشخ ہلکر۔