اسلام آباد۔8ستمبر (اے پی پی): مزن وزیر محمد شہباز شریف ءَ حوثی آنی نیمگ ءَ سعودی عرب ءَ شہری ءُ توانائی ءِ تنصیبات آنی سر ءَ نشانگ جوڑ کنگ ءِ بزدلیں اُرش ءِ سک باز مذمت کتگ کہ ایشی ءِ آسر ءَ بازیں مردم ٹپی بوتگ اَنت۔ سئے شمبے ءِ روچ ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ …
مزن وزیر محمد شہباز شریف ءَ سعودی عرب ءَ شہری ءُ توانائی ءِ ھند آناں نشانگ جوڑ کنگ ءَ حوثی آنی نیمگ ءَ چہ بوتگیں بزدلیں اُرش ءِ سک باز مذمت
گیشتریں ھال
اسلام آباد۔8ستمبر (اے پی پی): مزن وزیر محمد شہباز شریف ءَ حوثی آنی نیمگ ءَ سعودی عرب ءَ شہری ءُ توانائی ءِ تنصیبات آنی سر ءَ نشانگ جوڑ کنگ ءِ بزدلیں اُرش ءِ سک باز مذمت کتگ کہ ایشی ءِ آسر ءَ بازیں مردم ٹپی بوتگ اَنت۔ سئے شمبے ءِ روچ ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ پاکستان دو شریکیں مسیت آنی نگہبان ءُ سعودی عرب ءِ شاہ شاہ سلمان بن عبدالعزیز السعود، ولی عہد محمد بن سلمان ءُ براتیں سعودی الس ءِ گوما بے دروریں یکوئی ءِ درشان ءَ کنت۔ آئی ءَ گوشت کہ اے رنگیں بزدلیں اُرش نہ ایوک ءَ بے گناھیں انسانی جاناں ھترہ ءِ تہ ءَ ھوار کن اَنت بلکینگ ءَ دمگی امن ءُ ایمنی ءِ واستہ ھم مزنیں ھترہ ءِ جوڑ کن اَنت۔ مزن وزیر ءَ گوشت کہ ما سعودی عرب ءِ حاکمیت، ایمنی ءُ دمگی برجائی ءِ واستہ وتی برجاھیں کمک ءِ یک رند ءَ پدر کن ایں ءُ اُرش ءَ چہ ٹپی بوتگیں درستیں مردم آنی زوت جان سلامتی ءِ واستہ دعا کن ایں ۔
