شرح خواندگی ٹی ودکیشونہال و شون ہلوک راج اکن المی ءِ ، سردار ایاز صادق

اسلام آباد۔ 08 ستمبر (اے پی پی)قومی اسمبلی نا اسپیکر سردار ایاز صادق پارینے کہ خواندگی راجی شونداری و شونہال راج انا بنداو ءِ، خواندگی نا کچ اٹ ودکیشونہال و شون ہلوک راج اکن المی ءِ ۔ دا خیال آتا درشانی ءِ او خواندگی نا جہانی دے انا وخت آ اسہ کلہو اسے ٹی کرے۔ او پارے کہ خواندگی بیرہخواننگ و نوشتہ کننگ نا لائخی نا پن اف بلکن دا گچین فیصلہ سازی و راج اٹ فعال کڑد ادا کننگ نا پت فراوان کیک ،آب اٹ تعلیم اسکان بریبر رسینگ ہر چنانا بنداوی حق ءِ۔ اونا پاننگ ئس کہ ورناتے تعلیم،کسب و پوسکن آ خواست آتون ہم گرنچ کننگ المی ءِ، پاکستان نا آئین نا رداٹ 5 آن 16 سال اسکان نا چناتے مفت تعلیم تننگ ریاست نا زمواری ءِ۔ سردار ایاز صادق پارے کہ زالبول آتیٹی خواندگی نا مون آ دننگ خوانندہ و سوگو ءُ راج اسے کن اہم اہمیت تخک، وزیراعظم محمد شہباز شریف نا کنڈآن تعلیمی ایمرجنسی نا پڑو ہر چناءِ تعلیم نا دنگ اٹی اتنگ نا عزم انا درشانی ءِ۔ او پارے کہ سکول آن پیشنچناتے تعلیمی نظام اٹ اوار کننگ کن بنجائی و صوبائی حکومت آتا نیام اٹ کمک المی ءِ، پارلیمانی کاکس حقوقِ اطفال نا رپورٹ اٹ سکول آتیان پیشنچناتےاسکول آتیٹی اتنگ کن عمل ناقبل سلاہ مرتب کننگانے، بنجائی و صوبائی پارلیمانی کاکس آتا کمک اٹ مرتب کروک آ رپورٹ اٹ سکول آتیان پیشنچناتاویلآتا ڈغاری حقیقت آتیاتالان ایسر اس پیش کننگانے ہرا ستاکڑزک ۔ اسپیکر پارے کہ وزیراعظم محمد شہباز شریف نا تعلیمی ایمرجنسی نا رداٹ سکول آتیان پیشنچناتے تعلیمی نظام اٹ اوار کننگ نا گام گیج آک ستاکڑزوک ءُ، تعلیم تون اوار اوار چنا و ورناتے ٹی جمہوری و پارلیمانی شعور تالان کننگ ہم راجی زمواری ءِ، قومی اسمبلی سیکرٹریٹ نا انٹرن شپ پروگرام آتا کمک اٹ سکول، کالج و یونیورسٹی نا طالب علم آتے جمہوریت و پارلیمانی امور نا بابت معلومداری تننگ انگ ءِ۔