اسلام آباد۔ 20 اکتوبر (اے پی پی) صدر مملکت ممنون حسین ئَ گوشتگ کہ حکومت ئِ جوانیں پالیشی آنی سبب ئَ ملک ئَ اقتصادی جاور ھال جوانتر بوتگ اَنت۔ سوداگر ٹیکس وھد ئِ سر ئَ بدینت تانکہ اُلس ئِ بُنیاتی آسراتی دیگ ئَ گیشی بہ بیت۔ آئی ئَ اے گپ پنچ شمبے ئِ روچ ئَ ایوان ئِ صدر ئَ اسلام آباد چیمبر آف کامرس اینڈ انڈسٹری(آئی سی سی آئی) ئِ صدر خالد اقبال ملک ئِ پاگواجئی ئَ ٹولہ ئَ گوں گند ئُُ نند ئِ ساھت ئَ گوشت ا۔نت۔ صدر ئِ مملکت ئَ گوشت کہ پاک چین اقتصادی راہداری ئَ چہ ملک ئَ دیمروئی ئِ گام تُرند تر بوتگ اَنتر ئُ اے پڑ ئَ وشھالی زوت کئیت۔ اے ٹوھیں منصوبگ ئِ وھد ئُُ پاس ئِ سر ئَ سرجمی ئَ را پکو کنگ ئِ ھاترا سوداگر آناں حکومت ئِ گوما کمک کنگ لوٹیت۔ آئی ئَ گوشت کہ کرپشن ئِ ھلاسی ئُُ ملکی معشیت ئَ را جوانتر کنگ ئِ ھاترا چاگرد ئِ توامیں تبک ئِ مردم آناں وتی وتی کرد پیلو کنگی اِنت۔ صدر ئِ مملکت ئَ گوشت کہ حکومت ئِ معاشی ئُُ اقتصادی پالیشی تچکیں نیمگ ئَ گام جنگ ئَ اَنت ئُُ حکومت ئِ استیں معاشی ٹیمب پاکستان ئَ را دیم ئَ جنزینگ ئِ ھاٹیگ ئَ دار ایت۔
