اسلام آباد۔ 20اکتوبر (اے پی پی) دفاعی جاچکار میجر جنرل (ر) فاروق پارینے کہ بھارت نا تہہ ٹی مودی نا پوزیشن نزور مسنے و او پاکستان نا برخلاف سازش آتیان سیاسی سوگوی خواہک۔ ریڈیو پاکستان تون ہیت وگپ کرسا اوپارے کہ بھارت پاکستان نا برخلاف خارجہ پالیسی و میڈیا ئِ آزموندہ کرینے ہراٹی او بھاز بے وڑ بے سہب مسنے ہنداسوب ئِ کہ بھارت نا تہہ ٹی ہم مودی نا پوزیشن نزور مسنے۔ اوپارے کہ جہانی واک آک بھارت نا دروغ نا دوبہ غاتے مسترد کرسا اودے ہلانے و پاکستان تون تفنگ ئُ۔ برطانوی چیف آف اسٹاف نا دورہ پاکستان نا بابت چست کروک آ سوج انا ورندی ئِ ترسا اوپارے کہ اقوام عالم ئِ دا باور کرفنگ المی ئس کہ آپریشن ضرب عضب المی ئس ہراٹی پاکستانی حکومت ، فوج و الس بہادری نشان ترسا سرخرو مسنے۔ اوپارے کہ برطانوی چیف میران شاہ نا دورہ ئِ کرسا حالیت آتے ہرا و پارے کہ پاک فوج ہراکاریم ئِ کرسا نشان تسنے او لس ئُ کاریم اس اف۔
