اسلام آباد۔ 20اکتوبر (اے پی پی) لسبیلہ ٹی کانڑ اٹی پھسائنگوک 2چینی انجینئر آتا لاش آتے کشسا کراچی آ گدریفنگانے۔ ایکسپریس نیوز نا رداٹ بلوچستان نا ضلع لسبیلہ ٹی دھودھر پروجیکٹ نا رداٹ معدنیات آتا پٹنگ نا کاریم نا وخت منہدم مروک آ کنراج کانڑ اٹی پھسائنگوک 2چینی انجینئرآتا لاش آتے 27دے پد کشنگانے۔ کانڑ اٹی پھسائنگوک ہندی خواری کش ئِ کشنگ نا کاریم داسکان جاری ئِ۔ کانڑ 24ستمبر نا سہب انا دہ بجہ غا کانڑ کنی نا وخت آ چین انا پِننگ نا سوب اسہ لفٹ اس 700 فٹ گہرائی ٹی پھسائنگاسس ہراٹی اِرا چینی انجینئرز و ہندی خواری کش ساڑی ئسر۔ ہرافتے کشنگ کن پدریسہ کوشست کننگا و بالآخر اِرا چینی انجینئرآتا لاش آتے کشنگانے لاش آتے ایف سی و پولیس نا سیکورٹی ٹی خصوصی ایمبولینس نا کمک اٹ کراچی آ رادہ کننگانے۔ کانڑ اٹی پھسائنگوک ہندی خواری کش محمد انور جاموٹ نا پٹنگ نا کاریم جاری ئِ۔
