پشتونخوا نیشنل عوامی پارٹی ءِ ڈل ءَ سینیٹ ءِ ڈپٹی چیئرمین ءَ گوں گند ءُ نند کت، بلوچستان ءِ امن، اقتصادی برجائی ءُ دیمروئی ءِ واستہ جزم ءِ  درشان

اسلام آباد۔17جون  (اے پی پی): پشتونخوا نیشنل عوامی پارٹی ءِ مرکزی چیئرمین خوشحال خان کاکڑ  ءِ سروکی ءَ ڈل ءَ سینیٹ ءِ ڈپٹی چیئرمین سیدال خان ءَ گوں گند ءُ نند کت۔ چار شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ راجی اسمبلی ءِ باسک عادل خان بازئی ءُ پیسریگیں وفاقی وزیر غالب خان ءَ ھم ڈپٹی چیئرمین سینیٹ ءَ گوں جتا جتا گند ءُ نند کتگ۔ گند ءُ نندانی تہ ءَ دمگ ءِ انوگیں جاورھال، سیاسی ھمگرنچی، راجی یکوئی، بلوچستان ءِ دیمروی ءُ ھاسیں اقتصادی اولویتانی ھوالگ ءَ بنگپانی سر ءَ گپ ءُ تران کنگ بوت۔ ڈپٹی چیئرمین سینیٹ ءَ دیم ءَ آیوکیں دمگی ءُ میاں اوستمانی جاور ھال آنی گوما گر ءُ چیل بوھگ ءِ واستہ جوانیں گپ ءُ تران ءُ جمہوری عمل ءِ ارزشت ءِ سر ءَ زور پر دات۔ امریکہ ءُ ایران ءِ نیام ءَ برجاھیں سفارتی کوشست آنی ھوالگ ءَ آئی ءَ امیت سہرا کت کہ دوئیں ملک آنی نیام ءَ ھرچ ممکنیں تپاک ءِ سبب ءَ دمگ ءَ امن، برجائی ءُ اقتصادی دلجمی ءَ را گیش کنگ بیت۔ آئی ءَ اے گپ ءِ سر ءَ زور پر دات کہ جیڈھ آنی گیواری ءُ کش ءُ چیل آنی تہ ءَ کمی ءِ واستہ سفارتکاری جوانیں تریں راہ اِنت۔ سیدال خان ءَ راجی مفاد آنی رکھینگ ءُ مشکلیں جاور آنی تہ ءَ تہی ءُ دمگی برجائی ءِ برجائی ءِ واستہ پاکستان ءِ سیاسی ءُ فوجی سروکی ءِ کرد ءَ را ساڑات۔ آئی ءَ راجی یکوئی، ادارگی یکوئی ءُ ملک ءَ امن، وشھالی ءُ برجمیں دیمروئی ءِ واستہ اجتماعی حکمت عملی ءِ ضلورت ءِ سر ءَ زور پر دات۔ ڈپٹی چیئرمین سینیٹ ءَ بلوچستان ءَ ترندیں دیمروئی ءِ زوتیں ضلورت ءِ سر ءَ ھم زور پر دات ءُ بنیاتی ڈھانچہ، وانگ ءُ زانگ، جان سلامتی، روزگار ءِ موہ ءُ السی آسراتی آنی تہ ءَ گہتریں رسائی ءِ ارزشت ءَ را پدر کت۔ آئی ءَ گوشت کہ وفاقی حکومت گیشینتگیں  مندیں دیمروئی منصوبگ، سرکاری سرمایہ کاری ءِ تہ ءَ گیشی ءُ دیریں چاگردی ءُ اقتصادی چیلنجز آنی گیواری ءِ وسیلگ ءَ بلوچستان ءِ دیمروئی ءُ وشھالی ءِ واستہ سرجمیں پالیشی آنی رد ءَ کار کنگ ءَ اِنت۔ آئی ءَ گوشت کہ پائیدار دیمروئی، وسیلگ آنی یکسانیں بھر ءُ بانگ ءُ منصوبگ آناں جوانیں رنگ ءَ سرجم کنگ بلوچستان ءَ را راجی دیمروئی ءِ لڑ ءَ ھوار کنان ءَ صوبگ ءَ دائمی امن ءُ وشھالی ءَ را دل یکیمی کنگ ءِ حکومت ءِ مھکمیں جزم ءِ درشان اَنت۔ ڈل ءَ راجی، دمگی ءُ اقتصادی کار آنی ھوالگ ءَ ڈپٹی چیئرمین سینیٹ ءِ متوازن ءُ دور اندیشیں ھیال آناں ساڑات۔