اسلام آباد۔16جون (اے پی پی):مزن وزیر محمد شہباز شریف ءَ گوں راجی اسمبلی ءِ باسک عالم داد لالیکا، ارم حامد حمید، شیخ آفتاب احمد ، محمد خان ڈاہا، انوار الحق چوہدری شہباز بابر، سردار شمشیر مزاری ءُ دانیال احمد ءَ گند ءُ نند کت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے گند ءُ نند آنی ساھت …
قومی اسمبلی ءِ باسکاں مزن وزیر شہباز شریف ءَ گوں گند ءُ نند کت، آئی ءَ را الس دوستیں بجٹ ءِ منظوری ءِ سرا مبارکی داتگ
اسلام آباد۔16جون (اے پی پی):مزن وزیر محمد شہباز شریف ءَ گوں راجی اسمبلی ءِ باسک عالم داد لالیکا، ارم حامد حمید، شیخ آفتاب احمد ، محمد خان ڈاہا، انوار الحق چوہدری شہباز بابر، سردار شمشیر مزاری ءُ دانیال احمد ءَ گند ءُ نند کت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے گند ءُ نند آنی ساھت ءَ راجی اسمبلی ءِ باسک آں مالی سال 2026 ءِ واستہ راج دوستیں بجٹ پیش کنگ ءُ دمگ ءِ امن ءُ ایمنی ءِ جاور ھال آنی تہ ءَ گہتری ءِ تہ ءَ پاکستان ءِ جوانیں سفارتی کرد ءِ سر ءَ مزن وزیر ءَ را شگر ءُ منت درشان کت۔ گند ءُ نند آنی تہ ءَ سیادی داروکیں حلقہ آنی جیڈھ آنی سر ءَ ھیال ریچی کنگ بوت۔ ملک ءِ ھواریں جاور ھال آنی بابت ءَ گپ ءُ تران کنگ بوت۔ وفاقی وزیر پبلک افیئرز یونٹ رانا مبشر اقبال ءُ مزن وزیر ءِ ھاسیں کمکار طلحہ برکی ھم ھوار اتنت۔
