حضرت امام حسینؓ ءِ مزنیں قربانی مارا ظلم ءِ ھلاپ ءَ راستی ءِ حمایت کنگ ءُ اصولانی سرا مھکم بوھگ ءِ سکین دنت، چیئرمین سینیٹ

اسلام آباد ءِ سرا بوتگ۔ 17جون (اے پی پی) چیئرمین سینیٹ سید یوسف رضا گیلانی ءَ گوشت کہ محرم ءِ پاکیں ماہ مارا راستی ءُ انصاف ءِ راھبندانی پھازگ ءِ یات ءَ دنت۔ چار شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءَ محرم ءِ بندات ءِ ھوالگ ءَ وتی کلوہ ءِ تہ ءَ گوشت کہ محرم ءِ پاکیں ماہ مارا بے وس، قربانی، سگ ءُ اوپار، محکمی، براتی ءُ راستی ءُ انصاف ءِ بنیات آنی پھازگ ءِ یات ءَ دنت۔ کربلا ءِ واقعہ سرجمیں انسانیت ءِ ھاترا رژنائی ءِ چراگ اِنت ءُ حضرت امام حسینؓ  ءِ مزنیں قربانی مارا ظلم ءِ ھلاپ ءَ راستی ءِ حمایت کنگ ءُ اصولانی سرا مھکم بوھگ ءِ سکین دنت۔ چیئرمین سینیٹ ءَ گوشت کہ محرم مارا وتی کرد ءُ چاگردی ذمہ واری آنی سر ءَ چار ءُ تپاسی ءِ موہ دنت، وھدیکہ استیں جاور آنی تہ ءَ راجی یکوئی، مذہبی یکوئی، امن، برداشت ءُ وت مہ وتی احترام ءِ دیمروئی ءِ سک باز ضلورت اِنت۔ آئی ءَ اے جزم ءِ درشان کت کہ محرم ءِ وھد ءَ حکومت، ادارگ ءُ راج امن، امن ءُ ایمنی ءُ مذہبی احترام ءِ برجائی ءِ واستہ وتی کرد ءَ پیلو کنت۔ آئی ءَ دعا کت کہ اللہ تعالیٰ مارا راستی ءُ انصاف ءِ کشک ءَ روگ ءُ ملک ءُ راج ءِ دیمروئی، وشھالی ءُ امن ءِ واستہ کار کنگ ءِ توان ءَ بہ دنت ۔