اسلام آباد۔ 19 اکتوبر (اے پی پی) صدر ممنون حسین ئَ گوشت کہ جوانیں دیمروئی ئِ ھاترا ساپ ئُُ سلئہ ایں حکمرانی کنگ ئَ انفارمیشن کمیونیکیشن ٹیکنالوجی (آئی سی ٹیز) ئَ چہ پائیدگ چست کنگ ئَ اِنت۔ آئی سی ٹی سیکٹر پاکستان ئَ اقتصادی دیمروئی ئِ ھاترا جوانیں شوبگ ئِ جوڑ بوتگ۔ اے گپ آئی ئَ چار شمبے ئِ روچ ئَ ایوان ئِ صدر ئَ طلال ابو گزالے (ٹیگ) گل ئِ صدر ڈاکٹر انوگزالے ئِ پاگواجئی ئَ ٹولہ گوں گند ئُُ نند ئَ تران ئِ ساھت ئَ گوشت اَنت۔ صدر ئِ مملکت ئَ گوشت کہ ٹیگ گل ئِ واھشت ستا کرز اَنت کہ چاگردی ئُُ اقتصادی دیمروئی ئِ ھاترا انفارمیشن ٹیکنالوجی ئِ شوبگ ئِ تہ ئَ باز مے مٹیں کرد ئِ پیلو کتگ۔ آئی ئَ گوشت کہ دراج بُریں دیمروئی ئِ ھاترا ڈاکٹر ابو غزالے ئِ پاگواجئی ئَ بازیں شوبگ آنی تہ ئَ شریکی توسیپ ایگ اَنت۔ صدر ئِ مملکت ئَ ڈاکٹر غزالے ئِ پاکستان ئُُ اردن ئِ سیادی ئَ را گیش کنگ ئِ واستہ جہد آناں ھم ساڑات۔ صدر ئِ مملکت ئَ گوشت کہ مسلمان آناں انفارمیشن ٹیکنالوجی ئِ شوبگ ئَ گیشاں چہ گیش کمک ئِ ضلورت ئُُ یکجائی منصوبگ آناں جوانتر کنگ ئِ ھاترا ٓئی سی ٹی ئُُ سائنسی وانگ ئُُ زانگ ئَ را کارمرد کنگ لوٹیت۔
