کابل۔ 19اکتوبر (اے پی پی) قطبی اوغانستان اٹی سیکورٹی فورسز و طالبان تا نیام اٹ جھیڑہ ٹی 8طالبان تپاخت و 13ٹھپی مسر، پروان اٹی برام اسے نا اسہ دود اسے ٹی سم کاری نا نتیجہ ٹی 2بندغ تپاخت و کیہیک ٹھپی مسنو۔ اوغان میڈیا نا رداٹ کمامدارآک پاریر کہ تدوک آدے قطبی صوبہ جوزجان اٹی فورسز و طالبان تا نیام اٹ جھیڑہ مس ہراٹی 8طالبان تپاخت و 13ٹھپی مسر۔ کمامدارآتارداٹ دا جھیڑہ ضلع درزاب اٹی مس۔ جوزجان اٹی ساڑی آ ہفتہ نا وخت بیدادی نا واقعہ غاتیٹی نمان ودکی مسنے و داسہ جنگ اٹی کیہی بندغ آک تپاخت کرینو۔ داکان مست اوغان میڈیا ٹی بروک آ احوال آتیٹی پاننگاسس کہ جوزجان اٹی جنگ انا وخت اول نائب صدر و مسکوہی وارلارڈ جنرل رشید دوستم ٹھپی مسنو ولے اوغانستان نا چیف ایگزیکٹو آفس داوڑنا احوال آتے بے بنداو گوندانے۔ صوبہ پروان اٹی برام اسے نا اسہ دود اسے ٹی سم کاری نا نتیجہ ٹی 2بندغ تپاخت و کیہیک ٹھپی مسر۔ صوبہ پروان اٹی کمامدارآک اسہ خودکش جلہو اسے بے سہب جوڑ کننگ نا داوا کرینو۔
