اسلام آباد۔ 19اکتوبر (اے پی پی) الیکشن کمیشن نا پنچ باسکی بینچ چیف جسٹس سردار محمد رضا نا سروکی ٹی این اے 63جہلم اٹی دُوارہ گنتی نا تحریک انصاف نا بے سہب اومیت دار نا درخواست نا بنائی سماعت ئِ (اینو) پنچ شنبے آ کیک۔ داکان بیدس ہندا پنچ باسکی بینچ شش پین درخواست آتا ہم سماعت ئِ کیک۔ کمیشن نا ذرائع نا رداٹ مسلم لیگ (ن) نا جہلم آن قومی اسمبلی نا حلقہ این اے 63آن ضمنی گچین کاری تیٹی سرسہب مروک آ اومیت دار راجہ مطلوب مہدی نا سرسہبی آ تحریک انصاف نا اومیت دار دُوارہ گنتی نا درخواست تسنے ہرانا بنائی سماعت (اینو) پنچ شنبے آ مریک۔ داکان بیدس بلدیاتی گچین کاری تا بابت جتا شش درخواست آتاہم سماعت ئِ کننگک۔
