اسلام آباد۔ 19اکتوبر (اے پی پی) وزارت ڈٹ بندی و شونتری اینخو مالی سال 2016-17ءنا سرکاری بشخ انا شونداری پروگرام اٹی ریلویز ڈویژن نا شونداری ڈٹ آتے کن جمی وڑاٹ 9ارب 37کروڑ 87لکھ روپئی آن زیات نا فنڈز جاری کرینے۔ حکومت اینخو مالی سال داڈویژن نا شونداری کاریم تے کن 41ارب روپئی نا فنڈز جتا کرینے۔ پلاننگ کمیشن نا جاری کروک حساب وکتاب نا رداٹ سی پیک ڈٹ انا رداٹ ایم ایل ٹو و تھری نا اپ گریڈیشن کن 13کروڑ 70لکھ، پورٹ قاسم ٹو بن قاسم اسٹیشن کن 53کروڑ، حویلیاں ٹی نیو ڈرائی پورٹ نا جوڑ جاڑ کن 76لکھ، وزارت ریلوے ٹی چین پاکستان اقتصادی راہداری ڈٹ انا سپورٹ پروجیکٹ کن اسہ کروڑ 20لکھ، ڈرائی پورٹس آ آسراتی نا فراوانی کن 9کروڑ 22لکھ، 100ڈی ای لوکو موٹوز نا جوڑ جاڑ کن 51کروڑ، خانیوال ، شاہدرہ مین لین سیکشن کن 51کروڑ،، کراچی توخانپور ٹریک نا بحالی کن 17کروڑ71لکھ وکول ٹرانسپورٹیشن کن 3ارب 65کروڑ، تون اوار کیہی شونداری ڈٹ آتے کن فنڈز جاری کرینے۔
