اسلام آباد۔ 19اکتوبر (اے پی پی) حکومت فاٹا ٹی پوسکن جوڑ جاڑ و بے اُرا بندغ آتا بحالی تون اوار کیہی ڈٹ آتے کن 42ارب56کروڑ 20لکھ روپئی جاری کرینے۔ وزارت سیفران نا رداٹ آپریشن ضرب عضب آن زہمی مروک آ علاقہ و فاٹا ٹی جاری شونداری ڈٹ آتے کن 42ارب 56کروڑ 20لکھ روپئی جاری کننگانے۔ جان جوڑی، تعلیم، مواصلات و بے اُرا بندغ آتا بحالی کن دا پیسہ غاتے خڑچ کننگک۔ فاٹا ٹی آپریشن ضرب عضب آن زہمی مروک آ بے اُرا بندغ آتے ہند آتا دُوارہ جوڑ جاڑ کن معاوضہ تننگک، پورو بھس مروک آ اُرا تے کن چار لکھ روپئی وخت اس کہ مچٹ بھس مروک آ اُراتے کن اسہ لکھ شست ہزار روپئی معاوضہ تخنگانے۔ وزارت نا رداٹ فاٹا ٹی پوسکن جوڑ جاڑ و بحالی نا کیہی ڈٹ آتیا کاریم سیکورٹی فورسز آتا چاروکی ٹی جاری ئِ۔
