یو ایس ایڈ پاکستان نا مشن ڈائریکٹر جان گرورک نا دود آن تران
اسلام آباد۔ 19اکتوبر (اے پی پی) بین الاقوامی شون نا بابت امریکہ نا امدادہ ادارہ یو ایس ایڈ پاکستان نا مشن ڈائریکٹر جان گرورک پارینے کہ بلوچستان کشاری شونداری ڈٹ آن شانزدہ ہزار اُراتا کٹیا ٹی گچینی بسنے ، ڈٹ یو ایس ایڈ و جہانی ادارہ خور و کشت وکشار نا 32ملین ڈالر نا مالی کمک آن پورو کننگانے۔ داہیت ئِ او چارشنبے آ داڑے اسہ اسیجائی دود اسے آن تران کرسا پارے۔ داڈٹ انا دنگ اٹی صوبہ بلوچستان نا ہشت ضلع و بنجاءنا بست وبند اٹی قبائلی علاقہ جات آتیٹی کشاری شونداری سرجزآک اوار ئسر۔ جان گرورک پارے کہ یو ایس ایڈ ئِ بلوچستان اٹی دا ڈٹ ئِ ایسری اسکان سرکننگ کن حکومت، ہندی خلقت و ایف اے او تون اشتراک آ فخر ئِ۔ اوپارے کہ ننے دا ڈٹ انا رداٹ تعلقدار علاقہ غاتیٹی خلقت آتا روزگار اٹی زبردست گچینی رونما مننگ آ خوشی ئِ۔ یو ایس ایڈ دا ڈٹ انا کمک اٹ 826راجی تنظیم اڈ تس، ہرافتے آن شانزدہ ہزار اُراتا کٹیا ٹی ودکی مس، دا ڈٹ آک ہندی آبادی و کشارگر آتے تینا فصل و سہدار تا پیداوار ، اوفتا بہاءکننگ و کٹیا ئِ ودفنگ اٹی کمک تس۔ کشارگرآک سہدار توننگ نا پوسکنا وڑوڈول، سہدار تا گچین نسل، گچین بیج و دیر انا بست و بند و انصرام کننگ نا زیات باکفایت وڑوڈول آتا بارواٹی ہیل کریر۔ داڈٹ آن کشارگر آتے ہندی تنظیمیں ، منڈی ٹی کشارگر آتا اجتماعات و گڑاتا درجہ بندی ، اوفتے ڈبہ غاتیٹی تخسا منڈی ٹی بہاءکننگ کن تین پہ تینی انجمن اڈ تننگ و اوفتے تربیت تننگ، نیز داگڑاتے گچین دام آ ہلوک آ منڈی تا پٹنگ اٹی ہم کمک رسینگا ۔
