اسلام آباد۔ 17اکتوبر (اے پی پی) مسلم لیگ (ن) نا پارٹی گچین کاریک (اینو) سے شنبے آ اسلام آباد اٹی مریرہ ہراٹی بنجائی کونسل پارٹی نا بنجائی سروک آتا گچینی ئِ کننگک۔ مسلم لیگ (ن) نا ذرائع نا رداٹ گچین کاری عمل نا چاری گری نا فرض ئِ چوہدری جعفر اقبال نا سروکی ٹی اڈ ہلوک الیکشن کمیشن ایتک۔ بنجائی کونسل پارٹی صدر، سیکرٹری جنرل، نائب صدور، ایڈیشنل سیکرٹری و سیکرٹری خزانہ مرکزی عہدیدار آتا گچین کاری کن تینا حق رائے دہی ئِ کاریم اٹ اتیرہ۔ مسلم لیگ (ن) نا مرکزی کونسل نا باسک آتا کچ 1950ئِ ہرا ہرچار آ صوبہ، بنجائی دارالحکومت ، آزاد کشمیر و گلگت بلتستان آن تعلق تخوک آ مسلم لیگ (ن) نا باسک آتیاتالان ئِ۔ پولنگ کنونشن سنٹر اسلام آباد اٹی مریک۔ پندارکاغدآتا سکروٹنی 18اکتوبر سے شنبے نا سہب 9آن 10بجہ اسکان مریک۔ 10آن 11بجہ اسکان کاغد آتے پدی ہلنگ مریک۔ 11آن 12بجہ اسکان پولنگ مریک۔
