اسلام آباد۔ 17اکتوبر (اے پی پی) پاکستان اٹی رہینگوک اوغان مہاجر آتا وطن آ پدی ہِننگ ناچرجوئی جاری ئِ داوخت اسکان اِرالکھ 56ہزار بندغ پدی اوغانستان آ رسینگانو۔ پدی ہنوک آ رجسٹرڈ اوغان مہاجر آتے چار سد ڈالر تننگ انگ ئِ ۔ یو این ایچ سی آر نا نمائندہ دوشنبے آ اے پی پی تون ہیت وگپ کرسا اوپارے کہ مچ آ ملک آن اوغان مہاجر آتا وطن آ پدی ہِننگ نا چرجوئی جاری ئِ و اینخو سال 2لکھ 56ہزار بندغ ئِ یو این ایچ سی آر تون رجسٹرڈ ئُ پدی ہنانو وخت اس کہ غیر رجسٹرڈ اوغان مہاجر آتے چیف کمشنر اوغان مہاجر وطن آ پدی ہِننگ نا بابت کسرشونی ئِ کیک۔ کمامدارآتارداٹ تدوک آ دے پنچ ہزار ہفت سد بندغ وطن آ تینا پدی ہنانو وطن آ پدی ہنوک آ رجسٹرڈاوغان مہاجر آتے یو این ایچ سی آر نا کنڈآن چارسد امریکی ڈالر تننگ انگ ئِ وخت اس کہ اوغانستان آ سرمننگ آ جہانی ادارہ خور ورلڈ فوڈ پروگرام نا کمک اٹ مفت خور تننگ انگ ئِ۔
