اسلام آباد۔ 17اکتوبر (اے پی پی) رحیم یار خان نا خڑک اِرا مسافر بس انا ڈوک لگنگ نا نتیجہ ٹی 23بندغ تپاخت و 50ٹھپی مسنو۔ پی ٹی وی نا رداٹ دوشنبے نا سہب رحیم یار خان نا علاقہ دھریجہ ٹی خان پور موڑآ کراچی آن بہاولپور و فیصل آباد آن صادق آباد آ ہنوک آ مسافر بس آک ترندرفتاری نا سوب اسہ ایلو ٹی ڈوک لگار، ڈوک لگنگ ہنداخہ در ترند ئس کہ ہڑتوم آ بس آک پوروی وڑاٹ بھس مسر، شکست اٹی 23بندغ موقع غا تپاخت کریر وخت اس کہ 50ٹھپی مسر۔ پولیس، ریسکیو ون ون ٹو ٹو و شیخ زید ہسپتال نا ایمبولینس آک ٹھپی مروک آتے سیول ہسپتال دھریجہ، سول ہسپتال خان پور و شیخ زید و تحصیل ہسپتال رحیم یارخان آ گدریفینو۔ ہسپتال نا ذرائع نا رداٹ ٹھپی مروک آتیان گیشتر نا حالیت آک نازرک ئُ، ہرانا سوب تپاخت آتیٹی ودکی نا گڑتی ئِ۔ ضلعی کمامدارآک رحیم یار خان و خان پور نا ہسپتال آتیٹی ایمرجنسی ہم نافذ کننگا۔
