اسلام آباد۔ 28ستمبر (اے پی پی) وزیر واپار انجینئر خرم دستگیر خان پارینے کہ ملک اٹی داوخت آ یوریا اسہ گونی 1200 روپئی ٹی دستیاب ئِ ، کشارگر آتے کن ٹیوب ویلز آتیا بجلی نا نرخ 3روپئی آن زیات فی یونٹ کمتی کننگا۔ چارشنبے آ قومی اسمبلی ٹی وقفہ سوج آتا وخت مسرت رفیق مہیسڑ نا سوج انا ورندی ٹی وزیر واپار انجینئر خرم دستگیر پارے کہ ٹریڈ کارپوریشن پاکستان 2015-16ءنا وخت گوادر نا کمک اٹ 1387918 میٹرک ٹن کھد درآمد کرے وخت اس کہ پورٹ قاسم نا کمک اٹ 466182میٹرک ٹن کھد برآمد کننگا۔ حکومت تدوک آ دے تیٹی ای سی سی ٹی یوریا نا نرخ ئِ پین کم کرینے۔ داسا دا 1200 روپئی اسہ گونی دستیاب ئِ۔ بجٹ اٹی یوریا ٹی 400و ڈی اے پی ٹی 300 روپئی نا سیلز ٹیکس اٹی کمتی کننگا۔ کشارگر آتے کن ٹیوب ویلز آتیابجلی نا نرخ 3روپئی آن زیات فی یونٹ کمتی کننگا۔
