اسلام آباد۔ 19 ستمبر (اے پی پی) بُنجاھی وزیر برائے موسمی مٹ ئُُ بدلی زاہد حامدئِ پاگواجئی ئَ وزارت ئِ موسمی مٹ ئُُ بدلی ئَ یک دیوان ئِ برجم دارگ بوت، ایشی ئِ تہ ئَ آئی این ڈی سی ئِ رپوٹ ئِ چار ئُُ تپاس گری کنگ بوت۔ آئی این ڈی سی کمیٹی ئِ رپوٹ ئِ رد ئَ نیشنل ایمیشن انوینٹری پاکستان ئَ تہ ئَ اپ ڈیٹ کنگ بوت۔ وزارت ئِ ڈپٹی سیکرٹری سجاد حیدر یلدرم ئَ رپوٹ ئِ بابت ئَ گشتانک دات۔ آئی ئَ ویڑن 2025ئِ بنیاتی رھبند آنی بابت ئَ تران کُت ئُُ سرکاری پالیشی آنی مول ئُُ مراد ئُُ پاکستان ئِ موسمی مٹی ئِ پالیشی، نیشنل ڈیزاسٹر رسک ئِ تہ ئَ کمیگ ئُُ راجی نپ ئُُ سیت ئِ پالیشی آنی تہ ئَ بُنکی بستار دار اَنت۔ آئی ئَ گوشت کہ نکان جم کنگ ئِ ساھت ئَ دُچار کپتگیں مُشکل ئُُ بازیں شوبگ آنی تہ ئَ جُتائی ئَ گوں دیم پہ دیمی اِنت۔ بُنجاھی وززیر ئَ را آئی پی سی سی گائیڈ لائنز ئَ ئِ رھبند ئِ سر ئَ معشیت ئِ شش شوبگ توانائی، ٹرانسپورٹ، کشت ئُُ کشاری، صنعت، جنگل ئُُ اوزار ئُُ سامان آنی ھرچ ئُُ درچ ئَ ابید مٹ ئُُ بدلی ئِ آپشیز ئِ بنیات ئَ منصوبہ بندی ئُُ حکومت ئِ مانجائی 2016ئِ بابت ئَ ھم گوشگ بوت۔
