اسلام آباد۔ 19 ستمبر (اے پی پی) اسلام آباد ہائی کورٹ ایئر پورٹ سیکورٹی فورس(اے ایس ایف ) کارندہ نا فوجی عدالت نا فیصلہ نا برخلاف دائر درخواست ئِ ناقابل سماعت گوندسا خارج کرے۔ دوشنبے آ عدالت عالیہ نا جسٹس محسن اختر کیانی اے ایس ایف کارندہ اللہ دتہ نا کنڈآن دائر درخواست آ سماعت کرے داوخت آ درخواست گزار نا وکیل موقف اختیار کرے کہ اللہ دتہ 1999 نا کورٹ مارشل نا فیصلہ ئِ چیلنج کرینے۔ اے ایس ایف کارندہ ناعئید نا چھٹی تفننگ آ کمپنی کمانڈر تون جھگڑا مسوسس۔ جھگڑا غا کارندہ نا کورٹ مارشل گوندنگاسس اے ایس ایف کارندہ ہمو وخت آ کراچی ایئرپورٹ آ تعینات ئس۔ عدالت درخواست ئِ ناقابل سماعت گوندسا خارج کرسا اے ایس ایف کارندہ اللہ دتہ نا کنڈآن فوجی عدالت نا فیصلہ ئِ کالعدم گوندنگ نا خواست ئِ مسترد کرے۔
