بیجنگ۔ 05 ستمبر (اے پی پی) سعودی عرب نا نائب ولی عہد و وزیر دفاع شہزادہ محمد بن سلمان چین نا شار ہینگ زو ٹی روسی صدر الاد یمیر پیوٹن و برطانوی وزیراعظم تھریسامے تون اوڑدہی کرینے۔ عرب احوالی تا رداٹ اوڑدہی ٹی روسی صدر کیہی معاملہ غاتیٹی ملک آتا نیام اٹ پدریسہ ہیت وگپ نا اہمیت آ زورشاغار۔ شہزادہ محمد بن سلمان برطانیہ نا وزیراعظم تھریسامے تون ہم اوڑدہی کرے۔ اوڑدہی نا وخت آ کسرشون ہڑتوم آ ملک آتا نیام اٹ اڈ ہلوک ہڑتوم آ کنڈآتا تعلقداری و علاقائی و بین الاقوامی کہول آ حالیت آتا پیش رفت آ خیال آتا درشانی ئِ کریر۔ سعودی نائب ولی عہد انڈونیشیا نا صدر تون ہم اوڑدہی کرے۔ داوخت آ مملکت و انڈونیشیانا نیام اٹ خصوصی تعلقداری و اسلامی و بین الاقوامی دنیا نا تازہ ترین حالیت آتا شرہ مس۔

متعلقہ مضامینمصنف کی طرف سے مزید