وفاقی وزیر ڈاکٹر مصدق ملک ءَ نیشنل انفارمیشن ٹیکنالوجی بورڈ ءِ اولی دیوان ءِ سروکی کتگ کہ ایشی ءِ تہ ءَ جاری پنت ءُ شون آنی چار ءُ تپاسی ءُ آڈٹ کنگ بوتگ

اسلام آباد۔27جولائی  (اے پی پی): موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ مزن وزیر ءِ پنت ءُ شون ءِ سرا جوڑ بوتگیں کمیٹی ءِ اولی دیوان ءِ سروکی ءَ کت کہ ایشی ءِ تہا نیشنل انفارمیشن ٹیکنالوجی بورڈ ءِ ھوالگ ءَ جاری پنت ءُ شون آنی چار ءُ تپاسی ءُ آڈٹ کنگ بہ بیت۔ وزارت موسمیاتی مٹ ءُ بدلی ءُ چاگردی ہم آہنگی ءِ نیمگ ءَ چہ جاڑی بوتگیں پریس ریلیز ءِ رد ءَ گند ءُ نند ءَ انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شیزہ فاطمہ خواجہ، سیکرٹری اسٹیبلشمنٹ ڈویژن ءُ چیف ایگزیکٹو آفیسر نیشنل انفارمیشن ٹیکنالوجی بورڈ ءَ ھم بھر زوری کتگ۔ گند ءُ نند ءِ ساھت ءَ کمیٹی ءَ وفاقی وزیر ءَ را این آئی ٹی بی ءِ کار ءُ کرد ، ادارگ ءِ گنجائش ءَ را گیش کنگ ، نظام ءَ را گیش کارآمد ءُ موثر جوڑ کنگ ءِ بابت ءَ سرپدی دات۔ دیوان ءَ این آئی ٹی بی ءِ کارکردگی ءَ را گیش گہتر کنگ، ادارگی جیڈھ آناں جوان کنگ ءُ مزن وزیر ءِ پنت ءُ شون آنی وھد ءُ پاس ءَ جوانیں رنگ ءَ عمل کنگ ءَ را دل یکیمی کنگ ءِ واستہ جتا جتائیں گامگیج آنی سر ءَ ھم چار ءُ تپاسی کنگ بوت۔ کمیٹی آیوکیں لھتیں روچ آنی تہ ءَ دگہ دیوان ءِ برجم دارگ ءَ انت کہ ایشی ءِ تہ ءَ پنت ءُ شون آنی سر ءَ عمل کنگ ءِ پیشرفت ءِ سر ءَ گیش چار ءُ تپاسی کنگ بیت ءُ آیوکیں کارروائی ءِ سر ءَ چار ءُ تپاسی کنگ بیت۔