اسلام آباد۔ 01ستمبر (اے پی پی) برجاءمالی سال انا اولیکو تو جولائی نا وخت آ قومی بچت نا اسکیم آتیٹی 1.65ارب روپئی نا زیات زرکاری کننگانے و اینخو مالی سال 2016-17 ءنا بنائی تو جولائی ٹی قومی بچت نا اسکیم آتیٹی جمی وڑاٹ 18.231ارب روپئی نا زرکاری کننگانے وخت اس کہ مسکوہی مالی سال انا ہندا وخت انا دوران شعبہ ٹی کروک آ زرکاری نا کچ 16.581ارب روپئی ریکارڈ کننگاسس۔ سٹیٹ بینک آف پاکستان نا رپورٹ نا رداٹ مسکوہی مالی سال 2015-16 ءنا وخت آ قومی بچت نا اسکیم آتیٹی جمی وڑاٹ 232.09 ارب روپئی نا زرکاری کننگاوخت اس کہ داکان مست انا مالی سال نا وخت آ 337.05ارب روپئی نا زرکاری کننگاسس۔ رپورٹ نا رداٹ اینخو مالی سال اٹی جولائی نا وخت آ مسکوہی مالی سال انا ہندا وخت انا مقابلہ ٹی 1.650 ارب روپئی نا زرکاری ریکارڈ کننگا نے۔
