منیلا۔ 24 اگست (اے پی پی) فلپائن اٹی ہفت ہفتہ مست صدر روڈریگوڈوٹیر ٹے نا برسراقتدار بننگ آن پد داوخت اسکان منشیات نا برخلاف برجاءحکومتی مہم نا وخت آ 1900 آن زیات بندغ تپاخت کرینو۔ جرمن احوالکار آتارداٹ فلپائن نا قومی پولیس نا ڈائریکٹر جنرل رونلڈ ڈیلاروز اپارینے کہ منشیات نا ڈیلرز یا منشیات نا عادتی بندغ آتے تپاخت کننگ نا ہچ ئُ اعلانیہ پالیسی اس اف و دا کہ تقریباََ یانزدہ سد تپاخت آتا سوب آتے ہُننگ کن جاست و پاست جاری ئِ۔ اوپارے کہ ایلو ماندہ تپاخت آک پولیس نا کنڈآن انسداد منشیات نا آپریشن نا وخت آ مسنو۔ ڈیلاروزانا رداٹ تقریباََ ہفت لکھ ڈرگ ڈیلرز و منشیات نا عادتی بندغ کریک ڈاﺅن آن بچنگ کن مست آن ہی تینے کمامدارآتا حوالہ کرینو۔
