بلوچستان ءِ سر وزیر ءُ پنجاب ءِ سر وزیر ءَ بلوچستان ءِ سیف سٹی منصوبگ آناں موثر، کارآمد ءُ نوکیں لوٹانی رد ءَ جوڑ کنگ ءِ واستہ یکجائی کمک ءِ سر ءَ تپاک

کوئٹہ۔ 04 نومبر (اے پی پی): بلوچستان ءِ سر وزیر سرفراز بگٹی ءُ پنجاب ءِ سر وزیر مریم نواز شریف ءَ بلوچستان ءَ سیف سٹی منصوبگ آناں کارآمد، کارآمد ءُ نوکیں لوٹانی رد ءَ جوڑ کنگ ءِ واستہ یکجائی کمک ءِ سر ءَ تپاک کتگ۔ بلوچستان ءِ سر وزیر ءِ نمدی ءِ سرا پنجاب ءِ سر وزیر ءَ سیادی داروکیں واکاں ہدایت داتگ کہ بلوچستان سیف سٹی اتھارٹی ءَ را مھکم کنگ بہ بیت ءُ آئی ءَ را المی ادارکی کمک دیگ بہ بیت۔ اے درگت ءَ بلوچستان ءُ پنجاب ءِ سیف سٹی اتھارٹیز ءِ نیام ءَ یکجائی منصوبہ ءِ چیر دستی ءَ سیکورٹی مانیٹرنگ سسٹم ءَ را گیش کارآمد جوڑ کنگ ، ٹیکنیکل کمک ءُ تجروبت آنی مٹ ءُ بدلی کنگ ءِ سر ءَ تپاک کنگ بوتگ ۔ اے درگت ءَ بلوچستان ءِ سر وزیر سرفراز بگٹی ءِ سروکی ءَ بلوچستان سیف سٹی اتھارٹی ءِ دیوان برجم دارگ بوت کہ ایشی ءِ تہ ءَ ایڈیشنل چیف سیکرٹری ہوم بلوچستان محمد حمزہ شفقت ءَ برجاہیں منصوبگ ءُ دیمروئی ءِ بابت ءَ بریفنگ دات۔ دیوان ءَ سرپد کنگ بوت کہ بلوچستان ءِ 9 شہراں سیف سٹی پراجیکٹسانی سرا کار بوھگ ءَ انت ۔ ڈی جی پنجاب سیف سٹی اتھارٹی احسن یونس ءَ گوشت کہ پنجاب سیف سٹی اتھارٹی بلوچستان ءِ کارندہ آناں گنجائش سازی ءُ نوکیں ٹیکنیکل کمک ءَ کنت تانکہ صوبگ ءَ سیف سٹی منصوبگ کارآمد جوڑ کنگ بہ بنت۔ دیوان ءَ گوں تران کنان ءَ بنجاھی وزیر بلوچستان ءَ گوشت کہ سیف سٹی منصوبگ ایوک ءَ نگرانی ءِ نظام ءِ نہ انت بلکیں شہری آنی جان ءُ مال ءِ رکھینگ ءِ واستہ نوکیں سیکورٹی انفراسٹرکچر ءِ ھم انت۔ بلوچستان ءَ امن ءُ ایمنی ءِ برجائی، جرم آنی گر ءُ دار ءُ شہری آناں ایمنیں چاگرد ءِ پھجارینگ ءِ واستہ نوکیں ٹیکنالوجی ءُ موثر سیکورٹی مانیٹرنگ المی انت۔ نوکیں نگرانی ءِ نظام ءَ چہ مجرمانہ عناصر ءِ نقل و حرکت ءِ نگرانی، مشکوکیں کاروائی آنی وھد ءِ سر ءَ پجارینگ ءُ کانود ءِ نفاذ ءِ ادارگ آنی موثر فوری پسو ءِ تہ ءَ کمک رسیت۔ آئی ءَ ہدایت کت کہ صوبگ ءِ 9 شہر آنی تہ ءَ برجاھیں سفر سٹی منصوبگ آنی سر ءَ کار ءِ رفتار ءَ را گیش تیز کنگ بہ بیت ءُ درستیں سیادی داروکیں محکمہ ھمگام ءُ ذمہ واری ءِ گوما منصوبگ آناں ٹھینگ بوتگیں وھد ءُ پاس ءِ تہ ءَ سرجم بہ کن اَنت۔ آئی ءَ گوشت کہ نوکیں ٹیکنالوجی ءِ وسیلگ ءَ سیکورٹی مانیٹرنگ ءَ را کارآمد جوڑ کنگ ءَ جرم آنی گر ءُ دار ءُ امن ءُ ایمنی ءِ جاور ھال ءَ را گہتر کنگ بوت کنت۔ شہری آناں ایمنیں چاگرد ءِ پھجارینگ حکومت ءِ مستریں ذمہ واری اِنت ءُ آ ذاتی رنگ ءَ ایمنیں شہر ءِ منصوبگ آنی دیمروئی ءِ سر ءَ رپوٹ کنگ ءَ اَنت۔ بنجاھی وزیر ءَ بلوچستان سیف سٹی منصوبگ آنی تہ ءَ کمک ءُ کمک ءِ پد ءَ پنجاب ءِ سر وزیر مریم نواز شریف ءُ پنجاب سیف سٹی اتھارٹی ءِ شگر ءُ منت گپت ءُ گوشت کہ صوبگ آنی نیام ءَ ادارگی کمک ءُ تجروبت آنی مٹ ءُ بدلی ءَ چہ السی ایمنی ءِ یکجائی مول ءُ مراد آنی سرجمی ءَ کمک رس ایت۔ ایڈیشنل چیف سیکرٹری ہوم بلوچستان محمد حمزہ شفقت ءَ دیوان ءَ گوشت کہ سیف سٹی منصوبگ آنی سرجمی ءَ گوں نوکیں ٹیکنالوجی ءِ وسیلگ ءَ 9 شہر آنی تہ ءَ سیکورٹی مانیٹرنگ سسٹم جوڑ کنگ بیت ایشی ءَ چہ جرم ءِ گر ءُ دار، مشکوکیں کار آنی وھد ءِ سر ءَ پجارینگ ءُ کانود ءِ نفاذ ءِ ادارگ آنی گنجائش ءَ را گیش کنگ بیت۔ گند ءُ نند ءَ بلوچستان ءِ وزیر داخلہ  میر ضیاء لانگو، چیف سیکرٹری بلوچستان شکیل قادر خان،   انسپکٹر جنرل پولیس بلوچستان محمد طاہر خان، ڈائریکٹر جنرل بلوچستان سیف سٹی اتھارٹی محمد اشفاق، پرنسپل سیکرٹری برائے وزیر اعلیٰ عمران زرکون، سیکرٹری خزانہ جہانگیر خان، سیکرٹری آئی ٹی ایاز خان مندوخیل  ءَ ھوار سیادی داروکیں کارندہ ساڑی اتنت۔