استنبول ءَ کومسیک  ءِ 42می دیوان ءِ ساھت ءَ وزیر تجارت ءَ ترکی ءِ ھمکار ءَ گوں گند ءُ نند

استنبول۔4نومبر  (اے پی پی): استنبول ءَ وفاقی وزیر ءِ تجارت جام کمال خان ءَ استنبول ءَ تنظیم برائے اقتصادی ءُ تجارتی کمکی گل  کومسیک  ءِ 42می دیوان ءِ ساھت ءَ ترکی ءِ وزیر تجارت پروفیسر ڈاکٹر عمر بولات ءَ گوں گند ءُ نند کتگ ءُ پاکستان ءَ دو نیمگی تجارت ءِ دیمروئی ءِ سر ءَ ھیال ءُ لیکہ کتگ۔ پاکستان ءَ ترکی ءِ سرمایہ کاری ءَ را مھکم کنگ۔ دوئیں وزیر آنی نیام ءَ وت مہ وتی اقتصادی ءُ بیپاری مفاد آنی ھوالگ ءَ جیڈھ آنی سر ءَ سرجمیں رنگ ءَ گپ ءُ تران کنگ بوت ءُ پاکستان ءُ ترکی ءِ بیپاری سیادی ءَ را گیش مھکم کنگ ءِ واستہ وتی جزم ءِ پد ءَ زور دات۔ وفاقی وزیر جام کمال خان ءَ بسمتی برنج ءِ ھوالگ ءَ پاکستان ءِ جائزیں دعویٰ آنی سرجمیں کمک ءِ سر ءَ ترکی ءِ منت گپت ءُ جھان ءِ مارکیٹ آنی تہ ءَ پاکستان ءِ مزنیں کوالٹی ءِ کشت ءُ کشاری پیداوار آنی رکھینگ ءُ دیمروئی ءِ واستہ برجاھیں کمک ءِ ارزشت ءِ سر ءَ زور پر دات۔ ترک کمپنی آنی واستہ پاکستان ءَ سرمایہ کاری ءِ موہ آناں پدر کنان ءَ وفاقی وزیر تجارت ءَ ھاسیں رنگ ءَ کراچی انڈسٹریل پارک ءَ ترک کاروبار آنی واستہ یک ہزار ایکڑ زمین ءِ ذکر کنگ بہ بیت۔ آئی ءَ ترکی ءِ کاروباری ادارگ آناں اے موہ ءَ چہ پائدگ چست کنگ ءِ دعوت دات کہ آ صنعتی یونٹ جوڑ بہ کن اَنت ءُ پاکستان ءَ وتی مینوفیکچرنگ ءِ کار ءُ سرمایہ کاری ءَ را گیش ءُ گیوار بہ کن اَنت۔ پاکستان ءِ کشت ءُ کشاری برآمدات ءِ توانائی ءَ را پدر کنان ءَ جام کمال خان ءَ ترکی ءِ حکومت ءَ چہ کمک لوٹ اتگ تانکہ پاکستانی آم ءَ را ترکی ءِ مارکیٹ ءَ سر بوھگ ءِ آسراتی ءُ برآمدات ءَ را گیش کنگ بہ بیت۔ اے موہ ءِ سر ءَ ترکی ءِ وزیر تجارت پروفیسر ڈاکٹر عمر بولات ءَ ترکی ءَ پاکستانی بسمتی برنج ءِ جوانیں پروموشن ءُ برانڈنگ ءِ سر ءَ زور پر دات ءُ گوشت کہ ایشی ءَ چہ ترکی ءِ مارکیٹ ءَ پاکستانی بسمتی برنج ءِ ھست بوھگ ءُ صارف آنی تہ ءَ ایشی ءِ پجار ءَ را گیش مھکم کنگ ءَ کمک رسیت۔ ترکی ءِ وزیر تجارت ءَ پاکستانی آم ءِ درآمد ءِ تہ ءَ گیشی ءِ واستہ سرجمی ءَ کمک ءِ دل یکیمی دات ءُ دوئیں ملک آنی نیام ءَ کشت ءُ کشاری تجارت ءِ تہ ءَ گیشی ءِ گنجائش آناں من اِت۔ دیوان ءِ تہ ءَ مزنیں سنگ میل ءِ رنگ ءَ پروفیسر ڈاکٹر عمر بولات ءَ دو نیمگی تجارتی رژیم ءِ سر ءَ چار ءُ تپاسی کت ءُ تجارتی سیادی ءَ را گیش گہتر کنگ ءِ واستہ عملی گامگیج آنی لوٹ کت۔ ترک اگدہ دارانی ڈل ءَ پاکستان ءِ تر ءُ تاب ءِ سرا تپاک کتگ ۔ دوئیں نیمگاں ادارگی رابطہ، کاروباری کمک ءُ دمگی ہم آہنگی ءَ را مدام دیمروئی دیگ ءِ ضلورت ءِ سر ءَ زور پر دات تانکہ استیں اقتصادی موہ آناں ٹھوس تجارتی ءُ سرمایہ کاری ءِ آسر آنی تہ ءَ بدل کنگ بہ بیت۔ دومی نیمگ ءَ وفاقی وزیر تجارت جام کمال خان ءَ کامسک ءِ دیوان ءِ ساھت ءَ اسلامی ملک آنی آماری، اقتصادی ءُ چاگردی پٹ ءُ پول ءُ دیمروئی ءِ مرکز ءِ ڈائریکٹر جنرل مسز زہرہ زمروت سلچوک ءَ گوں ھم گند ءُ نند کتگ۔ گند ءُ نند ءِ ساھت ءَ ایس ایس آر ای سی ءِ ڈائریکٹر جنرل ءَ وفاقی وزیر تجارت ءَ را تنظیم ءِ اسلامی کمک ءِ باسکیں ملک آنی نیام ءَ تجارت ءِ ھوالگ ءَ تنظیم ءِ برجاھیں کار، نگرانی ءِ گامگیج ءُ رپورٹ آنی بابت ءَ سرپد کت۔ آئی ءَ اسلامی ملک آنی نیام ءَ اقتصادی کمک ءِ دیمروئی ءِ واستہ آماری زانتکاری ءُ تجزیاتی جائزہ ءِ پھجارینگ ءِ تہ ءَ اے گل ءِ کرد ءِ سر ءَ زور پر دات۔ جام کمال خان ءَ ایس ایس آر آئی کے ءِ نیمگ ءَ کتگیں کار آنی توسیپ کنان ءَ اقتصادی تجزیہ ءُ پالیسی سازی ءِ تہ ءَ راستیں، معتبر ءُ مستندیں ڈیٹا ءِ ارزشت ءِ سر ءَ زور پر دات۔ آئی ءَ گوشت کہ او آئی سی ءِ باسکیں ملک آنی نیام ءَ نوکیں تجارتی رجحان آنی پجارینگ، مارکیٹ ءِ حرکیات ءِ سرپدی ءُ تجارتی موہ آنی ارزشت ءِ واستہ معتبریں شماریاتی زانتکاری ءُ شواہد آنی سر ءَ بنیات ءِ سر ءَ ارزشت دیگ المی اِنت۔ وفاقی وزیر تجارت ءَ گیش گوشت کہ گہتریں شماریاتی اعداد و شمار ءُ جامع تجارتی تجزیہ ءِ وسیلگ ءَ باسکیں ملک بے کاریں تجارتی موہ آناں پجارینگ ءَ انت، استیں تجارتی رکاوٹ آناں دور کنگ ءُ او آئی سی ءِ تہ ءَ تجارت ءَ را گیش کنگ ءِ واستہ گیش موثر حکمت عملی جوڑ کنگ ءَ انت۔ آئی ءَ او آئی سی ءِ ملک آنی نیام ءَ باخبریں پیسلہ کنگ ءُ اقتصادی یکوئی ءَ را گیش کنگ ءِ واستہ شواہد ءِ سر ءَ بنیات ءِ سر ءَ کمک ءَ را مھکم کنگ ءُ معتبریں تجارتی ڈیٹا آناں کارمرد کنگ ءِ ضلورت ءِ سر ءَ ھم زور پر دات۔ اے گند ءُ نند آنی تہ ءَ تجارتی شریکداری، زرعی تجارت ءُ صنعتی کمک ءِ وسیلگ ءَ او آئی سی ءِ گوما دیریں براتی سیادی آناں گیش مھکم کنگ ءِ پاکستان ءِ جزم ءِ درشان کنگ بیت وھدیکہ اے ھواریں کار آنی مول ءُ مراد ھم او آئی سی ءِ دمگ ءِ تہ ءَ شواہد ءِ سر ءَ بنیات ءِ سر ءَ اقتصادی کمک ءُ تجارتی یکجاھی ءَ را گیش کنگ اِنت۔