نائب مزن وزیر ءَ پاک فضائیہ ، سائنسدان ءُ انجینئر آناں فاز میزائل ءِ سوبمندیں آزمائش ءِ سر ءَ مبارک بات دات

اسلام آباد۔4نومبر  (اے پی پی): نائب مزن وزیر ءُ دری کارانی وزیر محمد اسحاق ڈار ءَ پاک فضائیہ، سائنسدان ءُ انجینئر آناں پاکستان ءِ اولی دیسی رنگ ءَ جوڑ کتگیں ھوائی چہ ھوائی میزائل ’’فز‘‘ ءِ سوبمندیں آزمائش ءِ سر ءَ مبارک بات داتگ۔ چار شمبے ءِ روچ ءَ سوشل میڈیا پلیٹ فارم ’’فارم ایکس‘‘ ءِ سر ءَ وتی مبارکیں پیغام ءِ تہ ءَ نائب مزن وزیر ءُ دری کارانی وزیر ءَ اے سوبمندی ءَ را راجی دفاع ءَ را گیش مھکم کنگ ءُ دیمپانی ٹیکنالوجی ءِ تہ ءَ وت مہ وتی ءَ را گیش کنگ ءِ تہ ءَ مزنیں سنگ میل لیک اِتگ۔ واجہ محمد اسحاق ڈار ءَ گوشت کہ اے آزمائش پاکستان ءِ واستہ پخر مندیں کامیابی انت۔ اے گپ زانگ لوٹیت کہ اے میزائل کہ نوکیں ٹرمینل گائیڈنس سسٹم ءَ گوں ھوار اِنت، دژمن ءِ ھوائی ٹارگٹاں دراجیں دوری ءَ چہ ٹکر کنگ ءِ توان ءَ دار اِیت۔