پی سی بی ءِ چیئرمین ءَ پاکستان ءِ ٹیم ءَ را گنا ءَ آئی ایم سی اوور چل ءَ چہ گیش کرکٹ ورلڈ کپ ءِ سوبمندی ءِ پد ءَ را مبارکی

لاہور۔4نومبر  (اے پی پی): پاکستان کرکٹ بورڈ ءِ چیئرمین محسن نقوی ءَ پاکستان ءِ اوور 40 کرکٹ ٹیم ءَ را گنا ءَ آئی ایم سی اوور 40 کرکٹ ورلڈ کپ ءِ سوبمندی ءِ سر ءَ دل ءِ جہلانکی ءَ مبارکی دات۔ محسن نقوی ءَ وتی کلوہ ءِ تہ ءَ گوشت کہ پاکستان ءِ اوور 40 کرکٹ ٹیم ءَ فائنل ءَ آسٹریا ءَ را شکاس کنان ءَ ملک ءَ را شان ءُ شُہرت آؤرتگ۔ ورلڈ کپ ءَ جوانیں لیب کنوک آنی تہ ءَ سوبین بوھگ پاکستان ءِ واستہ مزنیں شرفے ۔ آئی ءَ گوشت کہ ٹورنامنٹ ءَ 15 میاں اوستمانی ٹیم آنی ھوار بوھگ ءِ باوجود پاکستانی کھڈکار آں جوانیں کارکردگی پیش کنان ءَ جھان ءِ تک ءَ وتی جوانی ءِ درشان کت۔ چیئرمین پی سی بی ءَ پاکستان ءَ ویٹرنز کرکٹ ءِ دیمروئی ءِ واستہ فواد اعجاز خان ءُ پاکستان ویٹرنز کرکٹ ایسوسی ایشن ءِ کوشست ءُ اے شانداریں سوبمندی ءِ توسیپ کت ءُ گوشت کہ اے سوبمندی ءِ سر ءَ درستیں کھڈکار ءُ منتظمین مبارک بات ءِ مستحق انت۔ آئی ءَ گوشت کہ پاکستان اوور 40 کرکٹ ٹیم ءِ توامیں لیبی ءُ انتظامی ءَ را دل ءِ تہ ءَ چہ مبارکی دیاں۔