اسپیکر راجی اسمبلی ءَ ضلع مہمند ءَ پولیو ءِ ھلاپ ءَ کمپین ءِ ایمنی ءِ واستہ تعینات پولیس ءِ کارندہ آنی سر ءَ تیرگواری ءِ مذمت

اسلام آباد۔3نومبر  (اے پی پی): راجی اسمبلی ءِ اسپیکر سردار ایاز صادق ءَ ضلع مہمند  ءَ پولیو ءِ ھلاپ ءَ مہم ءِ سیکورٹی ءِ واستہ تعینات پولیس ءِ کارندہ آنی سر ءَ تیرگواری ءِ مذمت کتگ ءُ اے وئیل ءَ پولیس ءِ کارندہ آنی گران بھائیں جان ءِ بیرانی ءِ سر ءَ سک باز رنج ءُ گم ءِ درشانی کتگ۔ سئے شمبے ءِ روچ ءَ وتی مذمتی بیان ءِ تہ ءَ آئی ءَ پولیو ءِ ھلاپ ءَ مہم ءِ رکھینگ ءِ واستہ تعینات بوتگیں پولیس کارندہ آنی جرات، جزم ءُ پیشہ وارانہ ازمت آناں ستا کرتگ ءُ گوشت کہ بے گناھیں زھگ آنی ایمنیں آیوکیں وھد ءِ واستہ برجاھیں راجی مہم ءَ گوں بندوکیں کارندہ آناں نشانگ جوڑ کنگ انتہائی شرمندگی ءِ گپ اِنت۔ راجی اسمبلی ءِ اسپیکر سردار ایاز صادق ءَ شہیدانی کھول ءِ گوما دلپدردی ءِ درشانی کتگ ءُ وئیل ءَ ٹپی بوتگیں پولیس کارندہ آنی زوت جان سلامتی ءِ دعا کتگ۔ آئی ءَ گوشت کہ پولیو ءِ ھلاسی ءِ واستہ راجی تک ءَ جاری کوشست آنی تہ ءَ پولیس ءِ کارندہ آنی ازمت ستا کرز انت۔ راجی اسمبلی ءِ اسپیکر سردار ایاز صادق ءَ ھم اے وئیل ءِ تہ ءَ شہیدانی بوتگیں پولیس ءِ کارندہانی پڑ برز کنگ ءُ کھول ءِ واستہ صبر ءُ اوپار ءِ دعا ھم کتگ ۔