پاکستان ءِ موبائل انٹرنیٹ ءِ جینڈر فرق 8درسد ءَ کم بوتگ، آیوکیں سئے سال آنی تہ ءَ 60درسد ٹاورز فائبر کنگ بنت، شزہ فاطمہ خواجہ

اسلام آباد۔13اکتوبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ ایشیا پیسفک ءِ دمگ ءَ ڈیٹا ءِ تپاوت ءِ ھلاسی ءُ پائیدار دیمروئی ءِ مول ءُ مراد آنی سر ءَ سر بوھگ ءِ واستہ عملی روڈ میپ ءِ جوڑ کنگ ءِ ضلورت ءِ سر ءَ زور پر دیان ءَ گوشت کہ پاکستان ءَ موبائل ءِ رسائی ءِ ریکارڈ ءِ تہ ءَ چہ 8000 ءَ چہ کم کتگ۔ ملک ءَ انٹرنیٹ ہاؤس پاس آنی کساس 5 ملین ءَ چہ گیش بوتگ وھدے کہ 5 جی ءِ دور ءَ آیوکیں سئے سال آنی تہ ءَ ٹیلی کمیونیکیشن ٹاور آناں 60درسد فائبرائز کنگ ءِ انقلابی ٹارگٹ ایر کنت۔ آئی ءَ سئے شمبے ءِ روچ ءَ گوشت کہ آئی ٹی ءُ ٹیلی کمیونیکیشن ءِ وزارت یونیورسل سروس فنڈ پاکستان ایشیا پیسفک ٹیلی کمیونیکیشن کمیونٹی ءِ نیمگ ءَ چہ یونیورسل سروس فنڈ ءِ کمک ءَ برجم دارگ بوتگیں سئے روچی میاں اوستمانی کانفرنس ’’ڈیٹا ٹرانسفارمیشن اینڈ یو ایس ایف ءِ سر ءَ اے پی ٹی سمپوزیم‘‘ ءِ سرکاری بنگیج ءِ ساھت ءَ اے گپ ءَ کنگ ءَ ات۔ اے مراگش ءَ یو ایس ایف ءِ سیکرٹری جنرل مسانوری کونڈو، چیئرمین پاکستان ٹیلی کمیونیکیشن اتھارٹی، ایم ڈی نیشنل ٹیلی کمیونیکیشن کارپوریشن، ایڈیشنل سیکرٹری ممبر ٹیلی کمیونیکیشن کمیشن توفک باریرو، گلوبل ڈیلیگیٹس، پالیسی ساز ءُ صنعت ءِ سروک آنی بھر زوری بوتگ۔ وفاقی وزیر ءَ گوشت کہ ٹوکیو ءِ اعلامیہ ءِ رژنائی ءَ اے سمپوزیم دمگی ڈیٹا ءِ بدلی ءَ را ایوک ءَ گپ ءُ تران ءَ چہ ٹھوس، کارروائی ءُ جامع حکمت عملی ءِ تہ ءَ بدل کنگ ءِ واستہ جوانیں پلیٹ فارم اِنت۔ آئی ءَ اے گپ ءِ سر ءَ زور پر دات کہ ھرچ ڈیجیٹل بدلی ھما وھد ءَ نا سرجم اِنت کہ آ رابطہ ءِ رنگ ءَ گڈی مردم ءَ سر مہ بیت، چوش کہ نوکیں دور ءَ ڈیٹا رابطہ ھما انفراسٹرکچر اِنت کہ آئی ءَ اقتصادی استحکام، جان سلامتی ءُ وانگ ءُ زانگ ءِ رسائی ءُ راجی سلامتی ءِ ضمانت دیگ ممکن کتگ۔ آئی ءَ گوشت کہ پاکستان ءَ زالبول آناں اقتصادی مین اسٹریم ءِ تہ ءَ آرگ ءِ واستہ مزنیں گامگیج چست کتگ ءُ جی ایس ایم اے ءِ رد ءَ پاکستان دگنیا ءِ تہ ءَ جینڈر ڈیٹا ءِ فرق ءَ را کم کنگ ءِ ترند تریں شرح ءِ واھندیں ملک ءِ بستار ءَ سہرا بوتگ۔ ایشیا پیسفک ءِ تناظر ءَ آئی ءَ جیڈھ ءِ درشانی کت کہ انٹرنیشنل ٹیلی کمیونیکیشن یونین (آئی ٹی یو) ءِ رد ءَ کہ اودا دگنیا ءَ 2.2 ارب مردم آف لائن انت، ایشیا پیسفک ءِ 48درسد آبادی آف لائن انت کہ اے چہ جھان ءِ میانگین ءَ باز گیش انت کہ ایشی ءَ را اولیت ءِ رد ءَ گیش ءُ گیوار کنگ لوٹ ایت۔ شزہ فاطمہ خواجہ ءَ گوشت کہ مزن وزیر محمد شہباز شریف ءِ براہ راست نگرانی ءِ چیر دستی ءَ ’’ڈیجیٹل نیشنل پاکستان‘‘ ءِ وژن ءِ سر ءَ زور ءَ گوں عمل کنگ بوھگ ءَ اِنت، ایشی ءِ چیر دستی ءَ ٹیکنالوجی ءِ وسیلگ ءَ 10ملین ءَ چہ گیش شہری آناں ایندھن ءِ سبسڈی ءِ بے رکاوٹیں پجاری ممکن بوتگ۔ انفراسٹرکچر ءِ تہ ءَ گیشی ءِ سر ءَ چمشانک دیان ءَ وفاقی وزیر ءَ گوشت کہ گوستگیں دو ءُ نیم سال آنی تہ ءَ 3 نوکیں آبدوز کیبل گیش کنگ بوتگ اَنت، یو ایس ایف ءِ کمک ءَ چہ 17ہزار کلومیٹر ءَ چہ گیش آپٹک فائبر ایر کنگ بوتگ ءُ ہاؤس پاس آنی کساس 3ملین ءَ چہ 5ملین ءَ چہ گیش بوتگ۔ ہاں، ایشی ءَ ابید ضلعی تک ءَ سی وی اے ایس لائسنس ءِ وسیلگ ءَ دمگی کاروباری مردم آناں بااختیار کنگ بوھگ ءَ اِنت کہ آ دور ءُ دراجیں ءُ پدمنتگیں دمگ آنی تہ ءَ گڈی میل ءَ انٹرنیٹ ءِ رسائی ءَ را پھجارینگ بہ کن اَنت۔ آئی ءَ گوشت کہ 480میگاہرٹز اسپیکٹرم ءِ راجدپتری نیلامی ءُ ملک ءَ 5 جی ٹیکنالوجی ءِ بندات ءَ پد ٹاور فائبرائزیشن ءِ ارزشت دو گناہ گیش بوتگ، ایشی ءَ را استیں 19درسد ءَ چہ پنچ سال ءِ تہ ءَ کم چہ کم 60درسد ءَ سر کنگ بیت۔ وفاقی وزیر ءَ گوشت کہ لیو سیٹلائٹ ریگولیشنز ءُ ایف ایس ایس فریم ورک ھم گڈی پڑ ءَ اَنت کہ ایشی ءَ چہ غیر زمینی نیٹ ورک ءِ وسیلگ ءَ سرجمیں ملک ءَ مشکلیں دمگ آنی تہ ءَ رابطہ ءِ نوکیں دور ءِ بندات بیت۔