مزن وزیر ءِ ورنا پروگرام ءِ چیئرمین ءَ عمان ءِ وزارت محنت ءِ انڈر سیکرٹری ءَ گوں گند ءُ نند کت، پاکستانی کارکن آنی واستہ روزگار ءِ موہ آنی بابت ءَ گپ ءُ تران

مسقط۔28ستمبر  (اے پی پی): مزن وزیر ءِ ورنا پروگرام ءِ چیئرمین رانا مشہود احمد خان ءَ مرچی عمان ءِ وزارت محنت ءِ انڈر سیکرٹری خالد بن سالم الغمری ءَ گوں مسقط ءَ گند ءُ نند کتگ ءُ پاکستانی کارکن آنی واستہ روزگار ءِ موہ آنی بابت ءَ گپ ءُ تران کتگ۔ دو شمبے ءِ روچ ءَ جاڑی بوتگیں بیان ءِ رد ءَ گند ءُ نند ءِ ساھت ءَ چیئرمین مزن وزیر ءِ ورنا پروگرام رانا مشہود احمد خان ءَ پاکستان ءِ مزنیں ورنا آبادی ءِ ارزشت ءِ سر ءَ زور پر دات ءُ گوشت کہ ملک ءِ ورنا ہنرمندیں کارکن آنی یک مزنیں پول ءِ پجارینگ ءَ اَنت۔ آئی ءَ گوشت کہ پاکستان درملک ءَ روزگار ءِ پھجارینگ ءِ ملک آنی تہ ءَ مزنیں لوٹ ءُ گزر ءِ تہ ءَ مہارت آنی پجار ءُ نقشہ سازی کنگ ءَ اِنت وھدیکہ ورنا آنی تکنیکی تربیت ءَ را ھمک ملک ءِ لیبر مارکیٹ ءِ ھاسیں لوٹ آنی گوما ھمگرنچ کنگ بوھگ ءَ اِنت۔ آئی ءَ گوشت کہ اے درگت ءَ عمان پاکستانی ہنرمندیں کار ءِ واستہ یک ھاسیں منزل ءِ ملک انت۔ رانا مشہود احمد خان ءَ امیت درشان کت کہ عمان ءِ سلطنت پاکستان ءِ ہنرمند ءُ نیم ہنرمندیں کارندہ آنی واستہ روزگار ءِ موہ ءِ دیم ءَ برگ ءَ انت۔ عمان ءِ وزارت محنت ءِ انڈر سیکرٹری خالد بن سالم الغماری ءَ ہم چیئرمین پی ایم وائی پی ءِ ھیال ءُ لیکہ ءِ سر ءَ تپاک کتگ ءُ دل یکیمی داتگ کہ عمان ءِ حکومت پاکستان ءِ گوما ھمکاری ءَ برجاہ دار ایت۔ ورناہ۔