صدر آصف علی زرداری ءَ ملائیشیا ءِ پیسریگیں مزن وزیر ڈاکٹر مہاتیر محمد ءِ زالبول ءِ بیرانی ءِ سر ءَ دلپدردی درشان

اسلام آباد۔28ستمبر  (اے پی پی): صدر ءِ مملکت آصف علی زرداری ءَ ملائیشیا ءِ پیسریگیں مزن وزیر ڈاکٹر مہاتیر محمد ءِ زالبول ڈاکٹر حسمہ محمد علی ءِ بیرانی ءِ سر ءَ سکیں دلپدردی ءُ رنج ءُ گم ءِ درشانی کتگ۔ دو شمبے ءِ روچ ءَ پریزیڈنٹ ہاؤس میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے غمناکیں موہ ءِ سر ءَ ڈاکٹر مہاتیر محمد، آئی ءِ ھاندان ءُ ملائیشیا ءِ الس ءَ گوں دلپدردی ءِ درشانی کتگ۔ صدر زرداری ءَ گوشت کہ طب، السی جان سلامتی ءُ چاگردی گہبودی ءِ شوبگ ءَ ڈاکٹر حسمہ ءِ دراجیں ءُ شرپداریں ازمت آناں گوں شرپ ءَ یات کنگ بیت۔ آئی ءَ چہ اللہ تعالیٰ ءَ دزبندی کت کہ رھادگ بوتگیں ارواح ءَ را جنت ءِ تہ ءَ بُرزیں جاگہے بہ دنت ءُ ڈاکٹر مہاتیر محمد ءُ غم ءِ آماچیں ھاندان ءَ را اے ناقابل تلافی تاوان ءِ برداشت کنگ ءِ جرات ءُ صبر بہ دنت۔