مزن وزیر محمد شہباز شریف ءَ ڈاکٹر نجب نقی ءَ آزات جموں ءُ کشمیر ءِ صدر گچین بوھگ ءِ پد ءَ مبارک بات داتگ

نیویارک۔24ستمبر  (اے پی پی): مزن وزیر محمد شہباز شریف ءَ ڈاکٹر نجب نقی ءَ را آزات جموں ءُ کشمیر ءِ صدر گچین بوھگ ءِ پد ءَ مبارک بات داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ ڈاکٹر نجیب نقی ءِ آزات جموں ءُ کشمیر ءِ صدر گچین بوھگ ءِ سر ءَ نیکیں واھگ آنی درشان کت۔ مزن وزیر ءَ گوشت کہ ڈاکٹر نجیب نقی ءِ گچین کاری آزات جموں کشمیر ءِ الس ءِ اُلس ءِ بھروسہ ءِ آدینک انت۔ مزن وزیر ءَ گوشت کہ امیت انت کہ ڈاکٹر نجیب نقی وتی ذمہ واری آں جوانیں رنگ ءَ پیلو کنان ءَ آزات جموں ءُ کشمیر ءِ دیمروئی، وشھالی ءُ السی گہبودی ءِ واستہ موثر کرد پیلو کنت۔ مزن وزیر شہباز شریف ءَ آزات جموں ءُ کشمیر ءِ الس ءِ دیمروئی ءُ وشھالی ءِ واستہ وفاقی حکومت ءِ سرجمیں کمک ءِ پجارینگ ءِ جزم ءِ سر ءَ زور پر دات۔