زالبولانی دیمروئی ءِ واستہ برابریں موہ دیگ مئے یکجاھیں ذمہ واری اِنت، احسن اقبال

اسلام آباد۔24ستمبر  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ءِ دیمروئی ءُ وشھالی ءِ واستہ زالبول آنی اقتصادی ءُ چاگردی کرد سک باز المی انت۔ زالبولانی توانمند کنگ ءَ چہ ایوک ءَ ملک ءَ را پائیداریں دیمروئی ءِ راہ ءَ ایر کنگ بیت۔ آئی ءَ وتی کلوہ ءِ تہ ءَ گوشت کہ وتی ملک ءِ زالبول آناں دیم ءِ لیکہ ءِ سر ءَ سیکورٹی ءِ ذمہ واری آناں پیلو کنگ ءَ گندگ ءَ من ءَ بے دروریں وشی ءُ فخر ءِ احساس بوتگ۔ وفاقی وزیر ءَ گوشت کہ اے مئے درست آنی یکجائی ذمہ واری اِنت کہ ما انچیں سازگار ءُ بااختیاریں چاگرد جوڑ بہ کن ایں کہ ایشی ءِ تہ ءَ زالبول دیمروئی بہ کن اَنت، وتی زانت ءُ زانشت ءَ را سرجمی ءَ کارمرد بہ کن اَنت ءُ ملک ءُ راج ءِ دیمروئی ءِ تہ ءَ وتی کرد ءَ پیلو بہ کن اَنت۔ مھکم ءُ وشھالیں پاکستان ھما وھد ءَ ممکن بیت وھدے کہ ملک ءِ زالبول آناں ھم دیمروئی کنگ ءِ برابر موہ رس ایت۔ پاکستان ءِ سبزیں ہلال ءِ پرچم ءِ سرا استالانی وڑا زالبول ملک ءِ دیمروئی، وشحالی ءُ رژنائیں باندات ءِ تہا وتی کرد ءَ پیلو کنت۔