وزیر ءِ ھزانگ محمد اورنگزیب ءَ ڈیجیٹلائزیشن، ایوی ایشن، ریفائنری ءِ نوکیں رنگ ءَ جوڑ کنگ، ریکو دق منصوبگ ءِ ھوالگ ءَ میاں اوستمانی شریکاں گوں گپ ءُ تران

اسلام آباد۔24ستمبر  (اے پی پی): نیویارک ءَ اقوام متحدہ ءِ جنرل اسمبلی ءِ 81می سالانہ دیوان ءِ ساھت ءَ ڈیجیٹلائزیشن، ایوی ایشن، ریفائنری ءِ نوکیں رنگ ءُ ریکو دیک منصوبگ ءِ ھوالگ ءَ میاں اوستمانی شریک آنی گوما گپ ءُ تران کت۔ وزارت خزانہ ءِ رد ءَ وزیر خزانہ ءَ دیمروئی کمکی گل ءِ مزن تک ءِ وزارتی گپ ءُ تران ءَ یک سلسلہ ءِ دیوان آنی تہ ءَ بھر زوری کت کہ سرجمیں روچ ءَ برجاہ بوت، ایشی ءِ تہ ءَ آئی ءَ ڈیجیٹلائزیشن ءَ را پاکستان ءِ اقتصادی جمود ءَ چہ پائیدار اقتصادی دیمروئی ءِ نیمگ ءَ رھادگ بوھگ ءِ یک ھاسیں بھرے لیک اِت۔ ڈیجیٹل پبلک انفراسٹرکچر ءُ سمارٹ پیمنٹ ءِ دیمروئی ءِ سر ءَ چمشانک دیان ءَ آئی ءَ اے گپ ءِ سر ءَ زور پر دات کہ کنکٹیویٹی ءِ گوما مہارت آناں گہتر کنگ ءُ نوکیں مہارت آنی گرگ ءِ سر ءَ ھم دلگوشی دیگ المی اِنت تانکہ فری لانسرز ءُ ڈیجیٹل سیکٹر ءَ گوں سیادی داروکیں مردم سکیں ہنرمندیں سروسز ءِ نیمگ ءَ دیم ءَ شُت کن اَنت۔ مجازی اثاثہ آنی گیش بوھوکیں کارمردی ءِ حوالہ ءَ سینیٹر  محمد اورنگزیب ءَ کانود سازی، نگرانی ءُ لائسنسنگ ءِ رد ءَ پاکستان ءِ برجاھیں کوشست آنی سر ءَ زور پر دات ءُ کریپٹو کرنسی ءَ چہ ابید ایشانی عملی کارمرد آنی سر ءَ زور پر دات، ایشی ءِ تہ ءَ کم ھرچ ءُ آسانیں زرّ ءِ دیم دیگ ھوار انت ءُ ھمے رنگ ءَ رئیل اسٹیٹ ءُ ٹوکنائزیشن ءِ ممکنہ ھوار انت۔ آئی ءَ ڈیٹا پروسیسنگ ءِ شوبگ ءَ سرمایہ کاری ءِ دیمروئی ءُ تجروبت آنی مٹ ءُ بدلی ءِ واستہ ڈی سی او ءِ باسکیں ملک آنی نیام ءَ نزیکیں تعاون ءِ ضلورت ءِ سر ءَ زور پر دات۔ وزیر ءِ ھزانگ ءَ امارات ایکسپورٹ امپورٹ بینک ءِ چیئرمین جان جووانووچ ءَ گوں ھم گند ءُ نند کت ایشی ءِ تہ ءَ پاکستان انٹرنیشنل ایئر لائنز ءِ واستہ بالی گراب آنی گرگ، ریفائنری آناں نوکیں رنگ ءَ جوڑ کنگ ءُ ریکو دیک کان کنی منصوبگ ءِ واستہ مالی کمک ءِ پھجارینگ ءِ ھوالگ ءَ گپ ءُ تران کت۔ وزیر خزانہ ءَ بوئنگ بالی گراب ھاسیں رنگ ءَ 787 ڈریم لائنرز ءِ تہ ءَ پی آئی اے ءِ دلچسپی ءِ بابت ءَ سرپد کنان ءَ بالی گراب ءُ انجن ءِ گرگ ءِ واستہ مالی کمک ءِ شوبگ آنی تہ ءَ کمک ءِ سر ءَ زور پر دات۔ آئی ءَ گراؤنڈ بوئنگ 777 بالی گراب ءَ را پدا سروس ءَ آرگ ءِ واستہ اسپیئر پارٹس ءِ ضلورت ءِ سر ءَ ھم زور پر دات۔ دوئیں نیمگاں یک گیشیں کمک ءِ فریم ورک ءِ سر ءَ کار کنگ ءَ را برجاہ دارگ ءُ اولویت ءِ شوبگ آنی سر ءَ جیڈھ آناں دیم ءَ برگ ءِ سر ءَ تپاک کت، ایشی ءِ تہ ءَ بالی گراب آنی پری ڈیلیوری ءِ ادائیگی ءِ واستہ ممکنہ مالی کمک ھوار اِنت۔ ریفائنری ءِ اپ گریڈنگ ءَ را پاکستان ءِ برآمد ءُ درآمد بینک ءِ نیمگ ءَ چہ کمک ءِ ممکنہ شعبہ ءِ رنگ ءَ ھم چار ءُ تپاسی کنگ بوتگ۔ وزیر خزانہ ءَ ریکو دق ءِ گوما پاکستان ءِ عزم ءِ پدا زور دات ءُ آیوکیں برآمدات ءِ واستہ منصوبگ ءِ ارزشت ءُ تاخیر ءِ ھرچ ءُ درچ ءِ سر ءَ زور پر دات ءُ پاکستان ءِ برآمد ءُ درآمد بینک ءِ منصوبگ ءِ گوما برجاھیں عزم ءِ وش اتک کت۔ وزیر ءِ ھزانگ ءِ گند ءُ نند آنی تہ ءَ پاکستان ءَ ڈیجیٹلائزیشن ءَ را دیم ءَ برگ، میاں اوستمانی اقتصادی کمک ءَ را مھکم کنگ ءُ ہوابازی، ریفائننگ، ءُ کان کنی ءِ وڑیں کلیدی شوبگ آنی واستہ مالی کمک ءِ متحرک کنگ ءِ سر ءَ دلگوشی دیگ بوتگ ءُ ایشی ءِ تہ ءَ کمک ءُ سرمایہ کاری ءِ واستہ عملی موہ آناں پٹ ءُ پول کنگ ھم برجاہ بوتگ۔