مزن وزیر ءَ امریکہ ءَ آئی ٹی، اے آئی، آٹوموبائل، توانائی، تعمیرات ءُ ایندگر شوبگ آنی کاروباری شخصیت ءُ پیشہ ور آنی ڈل آں گوں گند ءُ نند

نیویارک۔24ستمبر  (اے پی پی): مزن وزیر محمد شہباز شریف ءَ گوشت کہ حکومت ملک ءَ سرمایہ کاری ءُ کاروباری چست ءُ ایر آنی دیمروئی ءِ واستہ سازگاریں چاگرد پجاری کنگ ءَ انت۔ کاروباری شخصیت ءُ پیشہ ور پاکستان ءِ سفیر انت کہ آ ہر روچ وتی جوانیں کرد ءَ گوں ملک ءَ را نامدار کنگ ءَ انت، ءُ ما آہاں پاکستان ءَ سرمایہ کاری ءِ دعوت دئیں۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ امریکہ ءِ آئی ٹی، اے آئی، آٹوموبائل، انرجی، کنسٹرکشن ءُ جتا جتائیں شوبگ آنی کاروباری شخصیت ءُ پیشہ ور آنی ڈل ءَ مزن وزیر ءَ گوں گند ءُ نند کت۔ مزن وزیر ءَ ڈل آناں وش اتک کت ءُ پاکستان ءَ سرمایہ کاری کنگ ءِ دعوت دات۔ مزن وزیر ءَ اے موہ ءِ سر ءَ وتی ھیالانی درشانی کنان ءَ گوشت کہ کاروباری مردم ءُ پیشہ ور پاکستان ءِ سفیر اَنت کہ آ وتی جوانیں کرد ءَ گوں روچ پہ روچ ملک ءَ را نامدار کن اَنت۔ حکومت ملک ءَ سرمایہ کاری ءُ کاروباری کار آنی تہ ءَ دیمروئی ءِ واستہ جوانیں چاگرد ءِ پجارینگ ءَ اِنت، ءُ ایف بی آر ءِ تہ ءَ اصلاحات ءَ چہ کاروباری برادری ءِ جیڈھ گیش ءُ گیوار بنت۔ آئی ءَ گوشت کہ حکومت ملکی ھاٹیگ ءِ شوبگ ءِ دیمروئی ءُ سرجمیں شوبگ ءَ نوآبادیاتی ءِ واستہ اولی گامگیج کنگ ءَ انت۔ کاروباری مردم آنی ڈل آں مزن وزیر ءِ سروکی ءَ کشت ءُ کشاری، صنعت، برآمدات ھاسیں رنگ ءَ ایف بی آر ءِ تہ ءَ اصلاحات آناں ساڑات۔ گند ءُ نند ءِ ساھت ءَ رانا مشہود احمد خان چئیرمین وزیرِ اعظم یوتھ پروگرام، ھاسیں کمکار  بلال بن ثاقب،  اقوام متحدہ  ءَ  پاکستان ء ِ   گشتانکار  عاصم افتخار،   امریکا   ءَ  پاکستان  ءِ   سفیر رضوان احمد شیخ، مزن وزیر ءِ   ترجمان برائےغیر ملکی میڈیا  مشرف زیدی، سید قمر رضا چئیرمین اوور سیز فاؤنڈیشن، منیجنگ ڈائریکٹر اوورسیز فاؤنڈیشن افضال بھٹی  ءُ ہمگرنچیں مزنیں کارندہاں بہر زورگ ءَ  اتنت۔