وفاقی وزیر داخلہ اسلام آباد ماڈل جیل  منصوبہ ءِ دیمروئی ءُ انتظامی معاملات ءِ سرا چار ءُ تپاسی ءِ دیوان گپت

اسلام آباد۔24ستمبر  (اے پی پی): اسلام آباد ماڈل جیل  منصوبگ کہ گوستگیں 15سال ءَ چہ دیر بوتگ ات گڈی ءَ سرجمی ءِ نزیک ءَ انت ءُ حکومت ءَ آیوکیں ماہ ءَ ایشی ءِ باقاعدہ بنگیج کنگ ءِ پیسلہ کتگ۔ وزارت داخلہ ءِ نیمگ ءَ چہ جاڑی بوتگیں پریس ریلیز ءِ رد ءَ اے پیسلہ وفاقی وزیر داخلہ محسن نقوی ءُ وزیر داخلہ طلال چوہدری ءِ سروکی ءَ دیوان ءَ کنگ بوتگ۔ دیوان ءَ ماڈل جلی منصوبگ ءِ سر ءَ برجاھیں دیمروئی کار آنی سر ءَ سرجمیں رنگ ءَ چار ءُ تپاسی کنگ بیت، دیمروئی ءُ انتظامی جیڈھ ءُ افتتاح ءِ تیاری آنی سر ءَ سرجمیں رنگ ءَ چار ءُ تپاسی کنگ بیت۔ وفاقی وزیر داخلہ محسن نقوی ءَ سیادی داروکیں واکدار آناں پنت ءُ شون کت کہ آ منصوبگ ءِ دراہیں رند ءِ کاراں زوتاں چہ زوت سرجم بہ کن انت تانکہ آیوکیں ماہ ءَ ایشی ءِ باقاعدہ بنگیج ممکن بہ بیت۔ آئی ءَ اے گپ ءِ پدرائی کت کہ اے ھاسیں منصوبگ ءِ سرجمی ءَ گیش دیر کنگ ءِ گنجائش نیست کہ یک ءُ نیم دہائی ءَ چہ دیر کنگ بوتگ۔ وفاقی وزیر ءَ وت مہ وتی رابطہ کاری ءَ را گیش موثر جوڑ کنگ ءِ واستہ درستیں سیادی داروکیں ادارگ آناں پرمان دیگ ءِ وھد ءَ گوشت کہ افتتاح ءَ چہ پیسر تعمیراتی ءُ انتظامی جیڈھ آنی واستہ درستیں المی ئیں بندوبست سرجم کنگ بنت ءُ ھچ وڑیں تک ءُ پھنات ءَ بے وسی ءِ سستی برداشت کنگ نہ بیت۔ اے موہ ءِ سر ءَ وزیر ءِ تہی کار طلال چوہدری ءَ گوشت کہ آ ماڈل جلا منصوبگ ءِ سرجمی ءِ عمل ءِ سر ءَ ذاتی رنگ ءَ نگرانی کنگ ءَ اِنت ءُ ھمے رنگ ءَ ھپتگی بنیاد ءَ سائٹ ءِ تر ءُ تاب ءَ کنت ءُ پیشرفت ءِ چار ءُ تپاسی ءَ کنت۔ آئی ءَ وتی جزم ءِ پدا زور دات کہ توامیں سیادی داروکیں محکمہ آنی وت مہ وتی کمک ءَ اے منصوبگ وھد ءِ سر ءَ سرجم کنگ بیت۔ گند ءُ نند ءِ تہ ءَ وفاقی پٹ ءُ پولی ادارگ ءِ ڈائریکٹر جنرل، وفاقی پراسیکیوٹر جنرل، انسپکٹر جنرل اسلام آباد پولیس، نیشنل سائبر کرائم ءِ پٹ ءُ پولی ادارگ ءِ ڈائریکٹر جنرل ءُ دگہ مزنیں سول ءُ پولیس افسر آنی بھر زوری بوتگ۔