پاکستان ءِ پرشگ  ءِ ہچ وڑیں پندل سوبمند نہ بیت، بلوچستان ءِ سر وزیر سرفراز بگٹی بیست ءُ یکمی راجی ورکشاپ بلوچستان ءِ بہر زوروکاں آناں گشتانک

کوئٹہ۔ 24 ستمبر (اے پی پی): بلوچستان ءِ سر وزیر سرفراز بگٹی ءَ گشتگ کہ بلوچستان ءَ ناشرکاری نیست بلے لھتیں مردم پجار ءِ بنیاد ءَ جدائی ءِ ھیال ءَ دیم ءَ برگ ءَ انت۔ اے وڑیں مردم پاکستان ءَ چو کیک ءَ بہر کنگ لوٹ اَنت، البت پاکستان ءِ ٹُکّر کنگ ءِ ہچ وڑیں پندل سوبمند نہ بیت۔ اے ھیالانی درشانی آئی ءَ کوئٹہ ءَ بیست ءُ یکمی راجی ورکشاپ بلوچستان ءِ بھر زوروکاں گوں تران کنان ءَ کت۔ اے موہ ءِ سرءَ ایوان بالا ءِ باسک سر دیناشاخ کمار،اسسٹنٹ برائے اھوالکاری ءُ سیاسی کار شاہد رند، پرنپل سیکرٹری عمران زرکون ھم ساڑی اتنت۔ سر وزیر سرفراز بگٹی ءَ گشتگ کہ بلوچ ورنا یک بے سوبیں جنگے ءِ نیمگ ءَ کشگ بوہگ ءَ انت کہ ایشی ءَ چہ نہ بلوچستان ءِ ورنا پائدگ بنت ءُ نہ کہ صوبہ ءِ باندات۔ آئی ءَ گوشت کہ بلوچستان ءَ بے توازنیں دیمروئی ءُ پدمنتگی ءَ را بے ایمنی ءِ مستریں سوب گْوشگ راست نہ اِنت، پرچا کہ بے توازنیں دیمروئی ءِ جیڑھ پاکستان ءَ ھوار دگنیا ءِ بازیں ملک آنی تہ ءَ است اِنت۔ بلے دیمروی ءِ ھاتر ءَ تپنگ چست نہ بیت ءُ ناحق ءَ ھون ریچگ نہ بیت۔ آئی ءَ ورنا آنی سر ءَ زور پر دات کہ آ راستی ءُ لیکہ آنی نیام ءَ فرق ءَ را سرپد بہ بنت ءُ وتی صوبہ ءِ راستیں راجدپتر ءَ را سرپد بہ بنت۔ آئی ءَ گوشت کہ درملک ءَ نندوکیں پاکستان دژمنیں مردم منظم پروپیگنڈا ءِ وسیلگ ءَ ورنا آناں گمراہ کنگ ءَ انت، پمیشکا ورنا وانگ ءُ زانگ، دیمروئی ءُ وشیں باندات ءِ سر ءَ دلگوش بہ کن انت ءُ ریاست ءِ دژمن پروپیگنڈا ءِ بھر جوڑ مہ بنت۔ بنجاھی وزیر ءَ گوشت کہ ریاست ءُ ورنا آنی نیام ءَ پرک ءَ را کم کنگ ءِ واستہ ھمک پڑ ءَ ورنا آنی گپ گوشدارگ بوھگ ءَ انت۔ میرٹ ءِ دیمروئی ءَ چہ ایوک ءَ ورناہاں وتی جائزیں حق دیگ بوت کنت۔ بلوچستان ءَ آرٹیفیشل انٹیلی جنس ءِ بنیاد ءَ ٹیسٹنگ سسٹم ءِ بندات کنگ بیت تانکہ نوکری ءِ عمل ءَ میرٹ ءُ شفافیت ءَ را دل یکیمی کنگ بہ بیت۔ ہچ مستحق چہ آئی ءِ حق ءَ زبہر نہ بیت ءُ نوکری ایوک ءَ میرٹ ءِ سرا دیگ بنت۔ سرفراز بگٹی ءَ گوشت کہ گوستگیں دو سال آنی تہ ءَ بلوچستان ءَ پبلک سیکٹر ڈویلپمنٹ پروگرام ءِ سر ءَ سد درسد پیشرفت بوتگ۔ انسداد بدعنوانی ءِ محکمہ فعال کنگ بوتگ، وھدیکہ بنجاھی وزیر ءِ معائنہ ٹیم ھم سرجمی ءَ فعال اِنت۔ آئی ءَ گوشت کہ بنجاہی وزیر ءِ انسپکشن ٹیم ءَ دیمروئی پروگرام آنی انسپکشن وتی حلقہ ءَ چہ بندات کتگ، تانکہ یک ھاسیں پیغام ءِ دیم ءَ آرگ بہ بیت کہ احتساب ءِ عمل بے مٹ ءُ بدل بیت۔ آئی ءَ گوشت کہ کرپٹیں مردم ءِ حلاف ءَ کارروائی برجاہ انت، دزگیر کنگ ھم بوھگ ءَ انت۔ ادارہ آں فعال کنگ بوھگ ءَ ات کہ آ دیمروئی منصوبگ آنی سر ءَ نگرانی بہ کن انت، آھاں شفاف ءُ موثر بہ کن انت۔ سر وزیر بلوچستان ئَ گوشت کہ صوبگ ئَ گڈ گورننس ئِ بنیات ایر کنگ بوتگ ایشی ئِ برجائی ئِ برجم دارگ بیت۔ حکومت ءِ مول ءُ مراد یک انچیں نظام ءِ جوڑ کنگ اِنت کہ ایشی ءِ تہ ءَ ورنا آنی واستہ ایمانداری، شفافیت، احتساب ءُ موہ پیداک کنگ بہ بنت۔ پد ءَ ورکشاپ ءِ وھد ءَ بلوچستان ءِ سر وزیر سرفراز بگٹی ءَ بلوچستان ءَ چہ آتکگیں بھر زوروکانی جستانی پسو دات ءُ لیپ ٹاپ ھم دات تانکہ نودربراں دلبڈی بہ دنت کہ جوانیں کارکردگی پیش داشتگ اَنت۔ دو ءُ نیم کلاک ءَ گیش برجاہ بوتگیں جُست ءُ پُرس ءِ دیوان ءِ تہا سرفراز بگٹی ءَ بلوچستان ءِ راجدپتری راستی، استان ءِ انوگیں جاور، سرکاری گامگیج، ءُ گورننس ءِ بابت ءَ جتا جتائیں سرھالانی سر ءَ سرجمیں گپ ءُ تران کتگ۔