بلوچستان اٹیخصوصی چناتیکن پین اسکول جوڑ کننگک، اورنگزیب خان کھچی

کوئٹہ۔ 17 ستمبر (اے پی پی)بنجائی وزیر قومی میرات و دودوربیدہ اورنگزیب خان کھچی و پارلیمانی سیکرٹریراجی آسودہی حاجی ولی محمد نورزئیئسک پارینو کہ خصوصی چناتے آب اٹ تعلیم تون اوار کسب ہم تننگ انگ ءِ، بلوچستان نا ایلو ضلع غاتیٹی ہم خصوصی چناتیکن پین اسکول جوڑ کننگ نا گرج ءِ، بنجائی حکومت دا بابت صوبائی حکومت ءِ ہر وڑنا کمک فراوان کیک۔ دا خیال آتا درشانی ءِ اوفک کوئٹہ ٹی اولیکو سینٹر آف ایکسیلنس و ڈیف ریچ سینٹر نا بناءِ کننگ نا دود آن تران کرسا کریر۔ دود اٹی بنجائی سیکرٹری اسد رحمن گیلانی، سیکرٹری سماجی بہبود عصمت اللہ قریشی، ڈائریکٹر جنرل سماجی بہبود سیف اللہ کھیتران، پاکستان پاورٹی ایلیویشن فنڈ انا چیف ایگزیکٹو نادر گل بڑیچ، ڈاکٹر دوست محمد بڑیچ، صوبائی محتسب انسداد ہراسیت طاہرہ بلوچ، و ایلو کمامدار و شخصیت آک ساڑی ئسر۔ دود اٹی کلام پاک نا تلاوت آن پد اشارہ غاتا زبان اٹی تلاوت نا ترجمہ ءِ ہم پیش کننگا۔ بنجائی وزیر قومیمیرات و دودوربیدہ اورنگزیب خان کھچی پارے کہ ڈیف اسکول نا دورہ ءِ کرسا او گمرمحسوس کننگ ءِ، خصوصی چناتیکن دا اسکول ءِ فعال جوڑ کننگ اہم گام اسے ، ڈونرز آتا کمک اٹ اسٹیٹ آف دی آرٹ اسکول آتا جوڑ کننگ آن خصوصی چناتیکن گچین تعلیمی نظام اس مون آ بریک۔ او پارے کہ اودے یخین ءِ کہ وزیراعلیٰ بلوچستان میر سرفراز بگٹی نا کماشی ٹی صوبائی حکومت خصوصی چناتا ویل آتا ادراک تخک و صوبہ نا چندی ضلع غاتیٹی اوفتے کن پین اسکول جوڑ کننگک۔ خصوصی چناتے تعلیم تون اوار اوار جتا کسب ہم ہیل تننگ انگ ءِ تانکہ اوفک راج انا کاریم اٹ بروک انگا شاری جوڑ مریر۔ اونا پاننگ ئس کہ بلوچستان حکومت ءِ بنجائی حکومت نا کنڈ آن ہرا کمک نا گرج مریک، بنجائی حکومت اوڑکن ہر وخت تیار ءِ۔ او پارے کہ بلوچستان نا طالب علم آتون اوڑدہی و گپ و تران مسنے و حکومت تینا الس نا خذمت نا چرجوئی ءِ برجا تخک۔ پارلیمانی سیکرٹری برائے سماجی بہبود حاجی ولی محمد نورزئی پارے کہ خصوصی چناتا تعلیم، تربیت و راجی آسودہی کن عملی گام گیج آک برجا ءُ و دا بشخ اٹیپین گام گیج آتا گرج ءِ، کمک پروگرام خاص وڑاٹ اسپیشل بندغ آتے کن بنا کننگانے۔