پوسکن آ انتظامی یونٹ آتا جوڑ کنگ المی ءِ، دا باندات آزوت مثبت پیش رفت اس مون آ بریک، بنجائی وزیر عبدالعلیم خان و سردار محمد یوسف نا اوڑدہی ٹی گپ و تران

اسلام آباد۔ 17 ستمبر (اے پی پی)بنجائی وزیر مواصلات و صدر استحکام پاکستان پارٹی عبدالعلیم خان تون بنجائی وزیر مذہبی امور سردار محمد یوسف اوڑدہی کرے، ہراٹی ملک اٹی پوسکن آ صوبہ و انتظامییونٹ آتا جوڑ کننگ تون اوار جم ملکی و سیاسی حالیت آتیا گپ و تران کننگا۔ وزارت مواصلات نا کنڈآن جاری بیان نا رداٹ بنجائی وزیر مذہبی امور سردار محمد یوسف خیبرپختونخوا ٹی ہزارہ صوبہ نا جوڑ کننگ نا پدریسہ و پبیمخ تفی کننگ آ عبدالعلیم خان نا منت واری ءِ ہرفےو پوسکن آ صوبہ غاتا حق اٹیگچین توار بڑز کننگ آ اونا ستاءِ کرے۔ دا وخت آ بنجائی وزیر عبدالعلیم خان پارے کہ دا صوبہ غاتا بشخنگ اف بلکن اوفتا گچین و فعال تنظیم نا باندات ءِ۔ ہرچار آصوبہ غاتے ٹی پوسکن آ انتظامییونٹ آتا جوڑ کننگ داسہ المی و وخت نا اہم خواست جوڑ مسنے۔ او پیدوار کرے کہ ننا مسخت بیرہ سیاستکننگ اف بلکن الس نا حقی ویل آتا پائیدار ایسر اس پٹنگ ءِ تانکہ ہر شاری نا درگہ اسکان تعلیم، جانجوڑی و بناوی شاری آسراتی تا فراوانی ءِ المی جوڑ کننگ مرے۔ اوڑدہی ٹی ہڑتوم آ راہشونک دا ہیت آ امنا کریر کہ ساڑی آ روایتی صوبائی نظام الس ءِ ریلیف تننگ و ڈیلیور کننگ اٹیبھاز بے وڑ بے سہب مسنے۔ دنیاپوسکن آانتظامی اصلاحات آتون مون آ ہنانے وخت اس کہ نن بدبختی اٹ 80 سال متکن آفرسودہ نظام تون گنڈوک ءِ۔ راہشونک دا ہیت آ زور شاغار کہ پوسکن آ صوبہ غاتا موضوع آ غٹ سٹیک ہولڈرز آتانیام اٹ است انا ہب اٹ مکالمہ مرے و ہروڑنا ڈیڈ لاک آن پاناد کروئی مریک ۔ عبدالعلیم خان پارے کہ دا اہم قومی ویل آ غٹ سیاسی جماعت آتا کنڈآن پیدواری و چکار ستاکڑزک ۔ ہڑتوم آ راہشونک اومیت ظاہر کریر کہ دا باندات آ زوت مثبت پیش رفت اس مون آ بریک و قوم ءِ زوت جوان ءُ خبر ملنگ کیک ۔