پاکستان آن یورپ غیر کانونیامیگریشن اٹی 64 درسد کمتی، جہانی ادارہ غاتا کنڈان گچین گام گیج آتا اعتراف

اسلام آباد۔ 17 ستمبر (اے پی پی)بنجائی وزیر داخلہ محسن نقوی نا کماشی ٹی انسانی سمگلنگ نا توننگ کن کروک آ گچین گام گیجآتیٹی پاکستان نا کنڈآن یورپ نا کنڈ آ غیر کانونیامیگریشن اٹ 64 درسد ریکارڈ کمتی مسنے، وخت اس کہ انٹرنیشنل سنٹر فار مائیگریشن پالیسی ڈویلپمنٹ (ICMPD) و یورپییونین نا بارڈر اینڈ کوسٹ گارڈ ایجنسی "فرنٹیکس” غیر کانونیامیگریشن نا توننگ کن پاکستان نا گچین و وخت آ فیصلہغاتا ستاءِ کرسا پورو کمک نا باور ی کرفینو۔ بنجائی وزیر داخلہ محسن نقوی تون انٹرنیشنل سنٹر فار مائیگریشن پالیسی ڈویلپمنٹ نا ڈائریکٹر جنرل سوزین راب و فرنٹیکس نا ایگزیکٹو ڈائریکٹر ہانس لیئتنسداڑے جتا جتا اوڑدہی کریرہراٹی غیر کانونیامیگریشن نا توننگ و بارڈر مینجمنٹ ءِ گچین جوڑ کننگ کن تین پہ تینی کمک ءِ پین سوگو جوڑ کننگ نا عزم انا درشانی ءِ کننگا۔ آئی سی ایم پی ڈی نا ڈل بنجائی تحقیقاتی ادارہ (FIA) نا رسک اینالیسس رپورٹ نا خاص وڑ اٹ ستاءِ کرے و پورو چٹفنگ نا ہدف نا دوئی کننگ اٹ پاکستان تون ہر وڑنا شریداری ءِ برجاتخنگ نا عزم ظاہر کرے۔ بنجائی وزیر داخلہ محسن نقوی دا وخت آ گپ وتران کرسا پارے کہ وسیلہ غاتا کمتیآن پد ہم غیر کانونیامیگریشن اٹ 64 درسد کمتیاسہ بھاز سخت ءُ ٹاسک اس ئس ہرادے پورو ٹیم دے و نن خواری کرسا ممکن جوڑ کرے، او پیدوار کرے کہ پاکستان نا بروک آ ہدف غیر کانونیامیگریشن نا 100 درسد چٹفنگ ءِ ہرا دے ہرحال اٹ دوئی کننگک، دا ویل اتون مون تننگ کن کانونیامیگریشن نا پوسکن آ کسر آتے ملنگ ہم بھاز المی ءِ۔ محسن نقویپارے کہ بارڈر مینجمنٹ ءِ پوسکن آ خواست آتون ہم گرنچ کننگ کن آفیسر آتے پوسکن تربیت و ادارہ غاتا کاریم نا لائخی ءِ ودفنگ آ خاص چکار کننگ انگ ءِ، دا بابت پاکستان نا غٹ ہوائی اڈہ غاتا 500 امیگریشن کاؤنٹر تیاپوسکن ٹیکنالوجی نا کیمرہ خلنگ انگ ءِ ہراڑان انسانی سمگلنگ و غیر کانونی کاریم تیٹی مروک آ بندغ آتے زوت کانود نا مون آ اتنگ مریک۔ اوڑدہی تا وخت آ فرنٹیکس نا ایگزیکٹو ڈائریکٹر ہانس لیئتنس ہم پاکستان نا کوشست آتا ستاءِ کرسا مقررہ ہدف آتا دوئی کننگ اٹ پورو کڑد ادا کننگ نا باوری کرفے۔ دا اہم اوڑدہی تیٹی وزیر مملکت طلال چوہدری، سپیشل سیکرٹری داخلہ، ڈی جی ایف آئی اے تون اوار فرنٹیکس ڈل نا باسک ایوا کاپونا، اسٹیفانو فیلا، جان وائیسٹل و سینئر لائژن آفیسر ٹو پاکستان رالف شوئپفلن ئسک ہم ساڑی ئسر۔