آپریشن ردالفتنہ 3 ،آواران نا علاقہ بدرنگ اٹی سیکورٹی فورس آتا سرسہب آپریشن، فتنہ الہندوستان نا 3 دہشت گرد خلنگار، بھلو سلہہ اس دوئی

کوئٹہ۔ 17 ستمبر (اے پی پی)سیکورٹی فورس آک بلوچستان نا ضلع آواران نا علاقہ بدرنگ اٹی ‘آپریشن ردالفتنہ 3’ انا رداٹ انٹیلی جنس بیسڈ سرسہب کارروائی کرسا پیشن نا کاٹم خواجہی کروک آ دہشت گرد ٹولی فتنہ الہندوستان نا 3 دہشت گرد آتے دوزخی کریر۔ سیکورٹیحوالی نا رداٹ فتنہ الہندوستان نا دہشت گرد آتا کوزہ غان بھلو کچ اسے ٹی پوسکن خودکار سلہہ ، گولہ بارود و تخریبی مواد دوئی کننگانے۔ حوالی نا پاننگ ءِ کہ فورس آتا پدریسہ ، گچین و ٹارگٹڈ آپریشنتیٹی صوبہ ٹی انتشار تالان کروک آ دا دہشت گرد نیٹ ورک نا مخ انا ملی ءِ پرغنگانے و اوفتا بھلو جانی و مالی نسخان اس مسنے۔ سیکورٹی فورس آک دا عزم انا درشانی ءِ کریر کہ بلوچستان اٹی پائیدار امن نا قیام، الس نا جان و مال انا رکھ و ملک دشمن دہشت گرد و اوفتا کمک کروک آتا پورو چٹفنگ اسکان کارروائی بے سلنگ آن برجاسلک ۔