وزیرریلوائی نا آواران اٹی سرسہب آپریشن آ سیکورٹی فورس آتے خراجِ تحسین، ریاست دشمن زموار آتے بے سہب کینہ، محمد حنیف عباسی

اسلام آباد۔ 17 ستمبر (اے پی پی)بنجائی وزیرریلوائی محمد حنیف عباسی بلوچستان نا ضلع آواران اٹی دہشت گرد آتا برخلاف سرسہب انٹیلی جنس بیسڈ آپریشن آ سیکورٹی فورس آتے خراجِ تحسین پیش کرینے،اسہ بیان اسے ٹی او پارے کہ دہشت گرد آتا برخلاف ساڑی آ سرسہب کارروائیننا بہادر ورناتا کسبی لائخی، مستعدی و غیر متزلزل عزم نا پیدوار ڈیک ءِ ، قوم انا غیرت مند و بہادر گلزادہ غاک وطن عزیز نا رکھ و پائیدار امن نا قیام کن تینا جان تے ندر کننگ ءُ اوفتا لازوال قربانی تے مدام یات تخنگک۔ محمد حنیف عباسی دا عزم انا درشانی ءِ کرے کہ ملک آن دہشت گردی نا پورو چٹفنگ اسکان دا فیصلہئی جنگ برجاسلک و ریاست دشمن زموارآتا ناپاک عزم آتے ہچ ءُ حالیت اسے ٹی سرسہب مننگ کن اِلنگ پننگک ۔ او پارے کہ پاکستان نا رکھ و سلامتی کن سیکورٹی فورس آتا قربانی مچ آ قوم اکن غیر متزلزل حوصلہ و پت انا سوب ءُ ، قوم سوگو ءُ دیوال اسے آنبار تینا محافظ آتون ہم کوپہ سلوک ءُ ۔ وزیرریلوائی پارے کہ پاکستان نا سلامتی،سوگوی و وتواجہی رکھوک دوتیٹی ءِ۔ او سرسہب آپریشن آتیا سیکورٹی فورس آتا آفیسر و ورناتے سلام پیش کرسا پارے کہ لمہ وطن نا رکھ اکن تروک آ قربانی تے تاریخ اٹیروشنا لوز آتیٹی نوشتہ کننگک۔