قائم مقام صدر سیدیوسف رضا گیلانی نا بلوچستان اٹی 11 دہشت گرد آتا خلنگ آ سیکورٹی فورس آتے خراجِ تحسین

اسلام آباد۔ 09 ستمبر (اے پی پی)قائم مقام صدر سیدیوسف رضا گیلانی بلوچستان اٹی 11 دہشت گرد آتا خلنگ آ سیکورٹی فورس آتے خراجِ تحسین پیش کرسا پارینے کہ دہشت گردی نا چٹفنگ کن پاکستان نا عزم ءِ ہچ کس متزلزل کننگ کپک۔ چارشنبے نادے آایوانِ صدر نا پریس ونگ آن جاری بیان نا رداٹ قائم مقام صدر پارے کہ سیکورٹی فورس آتا جیرت ، کسبی لائخی و عزم ستاکڑزک ۔ او پارے کہ واشک اٹی دہشت گرد آتا ٹھکانہ غان بھلو کچ اسے ٹی دھماکہ خیز مواد دوئی کننگ اہم آ سرسہبی اسے۔ سیدیوسف رضا گیلانی پارے کہ مچ آ قوم ملک انا امن و سلامتی کن قربانی تروک آ سیکورٹی فورس آتون سلوک ءِ، بلوچستان تون اوار مچ آ ملک اٹی پائیدار امن و سوگوی کن سنبرینگوک اُن۔